Чадзель

Ча́дзель^[2] — вёска ў Пружанскім раёне Берасьцейскай вобласьці. Уваходзіць у склад Сухопальскага сельсавету.

Чадзель
трансьліт. Čadzieĺ
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Сухопальскі
Насельніцтва:	61 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225162[1]
СААТА:	1256865093
Нумарны знак:	1
Геаграфічныя каардынаты:	52°43′24″ пн. ш. 24°4′23″ у. д.
Чадзель на мапе Беларусі ± Чадзель Чадзель

Мінуўшчына

За расейскім часам — у Сухопальскай воласьці Пружанскага павету Гарадзенскай губэрні, уласнасьць Швыкоўскіх^[3].

За польскім часам — у гміне Сухопаль Пружанскага павету Палескага ваяводзтва. 10 жніўня 1921 року Мар’ян Тадэвуш Дзяконскі прадаў фальваркі Чадзель, Гарадзечна, Аннопаль, Казімераў, Клятное, Трусавіцы, Бекесоўшчына Юзэфу Драгайму^[4].

У раёне Чадзелю ў пачатку нямецка-савецкай вайны 1941 року адбываліся баі адыходзячых частак Чырвонай Арміі з нацысцкімі. 29 чэрвеня за дапамогу чырвонаармейцам былі расстраляныя 14 жыхароў вёскі. 6 жніўня таго ж року ў Гайнаўцы (цяпер у Польшчы) былі закатаваныя яшчэ 16 жыхароў Чадзелю, абвінавачаныя ў супрацы з бальшавікамі^[5]. Братэрская магіла ў Гайнаўскім павеце захавалася^[6][7]. Агулам падчас правядзеньня акцыі «Прыпяцкія балоты» былі забітыя 38 чадзельцаў^[8].

Да 2006 року вёска ўваходзіла ў склад Роўбіцкага сельсавету. Рашэньнем Берасьцейскага абласнога савету дэпутатаў №261 7 верасьня 2006 сельсавет скасаваны, яго вёскі ўлучаныя ў склад Сухопальскага сельсавету^[9].

Насельніцтва

• 2010 год — 61 чалавек
• 1999 год — 107 чалавек

У мастацтве

Эпізод бітвы ў раёне вёсак Чадзель, Роўбіцк, Піняжкі паміж адступаючымі савецкімі і надыходзячымі нацысцкімі войскамі адлюстраваны на карціне мастака з Пружаншчыны Фёдара Парфяновіча «Чадзельскі бой»^[10].