Чырвоны Араты (Менская вобласьць)

Чырво́ны Ара́ты^[1] (таксама Бяра́цічы (мн.), Біра́цічы (мн.)^[1]) — вёска ў Бярэзінскім раёне Менскай вобласьці Беларусі. Уваходзіць у склад Капланецкага сельсавету. Знаходзіцца за 33 км на поўдзень ад гораду Беразіно, за 140 км ад Менску, каля ракі Бярэзіна (прыток Дняпра).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Чырвоны Араты.

Чырвоны Араты
трансьліт. Čyrvony Araty
Былая назва:	Барацічы
Краіна:	Беларусь
Вобласьць:	Менская
Раён:	Бярэзінскі
Сельсавет:	Капланецкі
Насельніцтва:	4 чал. (2019)
Часавы пас:	UTC+3
Тэлефонны код:	+375 1715
Паштовы індэкс:	223328
СААТА:	6204823052
Нумарны знак:	5
Геаграфічныя каардынаты:	53°38′36″ пн. ш. 28°57′32″ у. д.
Чырвоны Араты на мапе Беларусі ± Чырвоны Араты Чырвоны Араты

Гісторыя

Згадваецца ў 1560 годзе як вёска ў Сьвіслацкай воласьці ВКЛ^[2]. У 1670 годзе згадваецца як фальварак Баратычы ў Аршанскім павеце ВКЛ^[3]. Паводле перапісу 1897 году маёнтак меў 2 двары, 26 жыхароў, піцейную ўстанову. Да 1920-х гадоў — маёнтак Барацічы^[4], уласнасьць памешчыка М. Шэмета. У 1931 годзе арганізаваны калгас «Уперад». На франтах Вялікай Айчыннай вайны загінуў 1 вясковец. У 1980 годзе ў складзе калгаса «Беразіно» (цэнтар — в. Брадзец).

Да 21 сьнежня 2007 году вёска ўваходзіла ў склад Брадзецкага сельсавету^[5]. З 2007 па 2013 год у складзе Сялібскага сельсавету^[6].

Насельніцтва

• 1897 год — 2 двары, 26 жыхароў
• 1917 год — 6 гаспадарак, 35 жыхароў
• 1926 год — 2 двары, 5 жыхароў
• 1960 год — 91 жыхар
• 2003 год — 17 гаспадарак, 22 жыхары
• 2009 год — 12 чалавек^[7]
• 2019 год — 4 чалавекі