Чырвоны Бор (Чачэрскі раён)

Чырво́ны Бор^[1] — пасёлак у Беларусі. Уваходзіць у склад Аторскага сельсавету Чачэрскага раёну Гомельскай вобласьці. Насельніцтва 77 чал. (2004). Знаходзіцца за 3 км на паўночны захад ад места Чачэрск, за 40 км ад чыгуначнай станцыі Буда-Кашалёўская (лінія Гомель — Жлобін), за 68 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Чырвоны Бор.

Чырвоны Бор
Першыя згадкі:	1920-я
Вобласьць:	Гомельская
Раён:	Чачэрскі
Сельсавет:	Аторскі
Насельніцтва:	77 чал. (2004)
Часавы пас:	UTC+3
Тэлефонны код:	+375 2339
Геаграфічныя каардынаты:	52°57′3″ пн. ш. 30°50′39″ у. д.
Чырвоны Бор на мапе Беларусі Чырвоны Бор

На захадзе мэліярацыйны канал, злучаны з ракой Чачора (прыток ракі Сож), на поўначы мэліярацыйны канал, злучаны з ракой Сож.

Гісторыя

Заснаваны напачатку 1920-х на былых абшарніцкіх землях перасяленцамі з суседніх вёсак. У 1930 годзе арганізаваны калгас «Чырвоны Бор», працавала кузьня. 29 жыхароў загінулі на франтох Вялікай Айчыннай вайны. У 1962 далучаны пасёлак Першамайск. У складзе калгасу «50 гадоў БССР» (цэнтар — вёска Отар). Разьмяшчаўся фэльчарска-акушэрскі пункт. 1 сьнежня 2009 году сельсавет, у які ўваходзіць пасёлак, перайменаваны з Чачэрскага ў Аторскі^[2].

Насельніцтва

• XX стагодзьдзе: 1926 — 20 двароў, 102 жыхары; 1959 — 140 жыхароў (паводле перапісу)
• XXI стагодзьдзе: 2004 — 35 гаспадарак, 77 жыхароў^[3]