Шарын

Шарын — вёска ў Беларусі, пасярод мэліярацыйных каналаў, злучаных з рэчкай Чэрцень. Уваходзіць у склад Рамязоўскага сельсавету Ельскага раёну Гомельскай вобласьці. Насельніцтва 88 чал. (2004). Знаходзіцца за 5 км на захад ад места і чыгуначнай станцыі Ельск (лінія Каленкавічы — Оўруч), за 182 км ад Гомелю. Палявая дарога зьвязвае вёску з аўтамабільная дарогай Ельск — Махнавічы.

Шарын
Вобласьць:	Гомельская
Раён:	Ельскі
Сельсавет:	Рамязоўскі
Насельніцтва:	54 (2004)
Геаграфічныя каардынаты:	51°48′ пн. ш. 29°02′ у. д.
Шарын на мапе Беларусі Шарын

Гісторыя

Упершыню Шарын згадваецца ў XVI ст. як вёска Мазырскага павету Менскага ваяводзтва.

У выніку другога падзелу Рэчы Паспалітай (1793) Шарын апынуўся ў складзе Расейскай імпэрыі, у Мазырскім павеце Менскай губэрні. Паводле вынікаў перапісу (1897) тут працавалі школа граматы, крама і 2 конскія млыны. У 1908 вёска ўваходзіла ў склад Каролінскай воласьці. У 1911 у ёй адкрылася школа.

Насельніцтва

• XIX стагодзьдзе: 1811 — 36 двароў; 1816 — 121 жыхар; 1897 — 86 двароў, 499 жыхароў (паводле перапісу)
• XX стагодзьдзе: 1908 — 100 двароў, 543 жыхары; 1959 — 390 жыхароў (паводле перапісу)
• XXI стагодзьдзе: 2004 — 26 гаспадарак, 54 жыхары^[1]