Эрман

Эрман, Ерман, Эрмэн — мужчынскае імя і вытворнае ад яго прозьвішча.

Erman
Паходжаньне
Мова(-ы)	германскія
Іншыя формы
Варыянт(ы)	Эрмэн, Ерман
Вытворныя формы	Арман, Герман
Зьвязаныя артыкулы
якія пачынаюцца з «Эрман»

Паходжаньне

Асноўны артыкул: Імёны ліцьвінаў

Эрман або Ерман, Эрмен або Ермен (Erman, Ermen) — імя германскага паходжаньня^[1]. Іменная аснова эрман- паходзіць ад германскага ermana 'вялікі, усеабдымны'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Erman^[3].

Варыянты імя ў гістарычных крыніцах: Иванъ Козловичъ браты у него два, Ерманъ, Семенъ (3 жніўня 1545 году)^[4]; село Друсеиканы… Эрман Норевич (3 сакавіка 1587 году)^[5]; Marianna Ermenowicz (1690 год)^[6]; Erman Spungianowa (1738 год)^[7]; Parafia rakiska… Ermanie (1784 год)^[8]; Vincentius Erman (12 лютага 1786 году)^[9]; Ignatius Erman (28 ліпеня 1787 году)^[10]; Carolus Erman… Laurentius Erman (7 кастрычніка 1787 году)^[11]; Josephus Erman (10 ліпеня 1792 году)^[12]; Katarzyna Ermanowicz (1800 год)^[13]; Sawelij Jermanowicz (1808 год)^[14]; Stanisław Jerman (1822 год)^[15].

Носьбіты

Эрманы (Erman) — прыгонныя зь вёсак Концінентаў і Яневічаў, якія ўпамінаюцца ў XIX стагодзьдзі^[16].

Эрманы — літоўскі шляхецкі род з ваколіцаў Сьвянцянаў^[17].

У 1690 годзе ўпаміналася мясцовасьць Эрманішкі Даўкшышкі ў Жамойцкім старостве^[18].