Эўрыпід

Эўрыпід (па-старажытнагрэцку: Εὐριπίδης, па-лацінску: Euripides, 480 — 406) — старажытнагрэцкі драматург, прадстаўнік новай атычнай трагедыі, у якой пераважае псыхалёгія над ідэяй Боскага року. Паводле зьвестак, якія маюцца, напісаў ад 88 да 92 трагедыяў і сатыраўскіх драмаў. Самыя вядомыя сярод іх — «Алькестыя» (паст. 438), «Мэдэя» (паст. 431, бел. пер. Л. Баршчэўскага), «Геракліды», «Андрамаха», «Гекаба», «Гікетыды» (усе паст. каля 430 да н. э.), " «Гіпаліт» (паст. 428 да н. э.), «Электра», «Гэракл», «Траянкі» (усе паст. каля 415 да н. э.), «Гэлена», «Іфігенія ў Таўрыдзе», «Фінікянкі» (усе паст. каля 412 да н. э.), «Іфігенія ў Аўлідзе», «Арэст», «Бакханкі» (бел. пер. Ю. Дрэйзіна; усе паст. пасьля 410 да н. э.).

Эўрыпід
Асабістыя зьвесткі
Нарадзіўся	не раней за 485 да н. э. і не пазьней за 480 да н. э. Салямін, Астравы[d], Атыка, Грэцыя[1][2][3][…]
Памёр	не раней за 407 да н. э. і не пазьней за 405 да н. э. Пела[d], Пела (абшчына)[d], Пэла[d], Цэнтральная Македонія, дэцэнтралізаваная адміністрацыя Македонія і Тракія[d], Грэцыя[1][2][4]
Бацькі	Mnesarchus[d][5] Cleito[d][5]
Дзеці	Эўрыпід Малодшы[d]
Літаратурная дзейнасьць
Род дзейнасьці	аўтар трагедый, драматург, пісьменьнік, паэт, філёзаф
Жанр	старажытнагрэцкая трагедыя[d]
Мова	старажытнагрэцкая мова[6][7]
Эўрыпід у Вікісховішчы

Раней за Эўрыпіда жыў малавядомы драматург з такім жа імем, як паведамляецца ў бізантыйскім слоўніку Суды.

Беларускія пераклады (публікацыі)

• Бакханкі: пераклад Ю. Дрэйзіна, каля 1926. Публікацыя А. Жлуткі, падрыхтоўка тэксту і камэнтара да публ. Л. Баршчэўскага // Дзеяслоў : Літаратурна-мастацкі часопіс. — 2012. — № 6 (61). — С. 222—258.
• Эўрыпід. Медэя / пераклаў са старагрэцкай Лявон Баршчэўскі; уступны артыкул Вячаслава Ракіцкага. — Менск: Зьміцер Колас, 2018. — 60+2 с. — (Драматургі свету). — 99 ас. — ISBN 978-985-23-0009-4
• Эўрыпід. Бакханкі / каментары Лявона Баршчэўскага // пераклад са старагрэцкай і прадмова Алеся Жлуткі Старагрэцкая драматургія: Эсхіл, Сафокл, Эўрыпід, Арыстафан, Менандр : зборнік. — Менск: Зьміцер Колас, 2020. — ISBN 978-985-23-0088-9.