Юрай Слафкоўскі

Ю́рай Слафко́ўскі (па-славацку: Juraj Slafkovský; нар. 30 сакавіка 2004 году) — славацкі хакеіст, нападнік клюбу «Манрэаль Канадыенз» з Нацыянальнай хакейнай лігі і нацыянальнай зборнай Славаччыны.

Юрай Слафкоўскі
Рост	192 см[1][2][3][…]
Вага	99 кг[2][3][4][…]
Пазыцыя	левы нападнік, нападнік
Кідок/Ловы	левы[d][2][3][4][…]
Грамадзянства	Славаччына[1][2][3][…]
Дата нараджэньня	30 сакавіка 2004(2004-03-30)[1][2][3][…] (21 год)
Месца нараджэньня	Кошыцы, Славаччына[1][2][3][…]
Клюб	Манрэаль Канадыенз
Выступаў за	ТПС Турку
Драфт НХЛ	1, 2022 Манрэаль Канадыенз
Гульнявая кар’ера	2021 — цяпер

Кар’ера

Клюбная

Яшчэ юнаком зьехаў з Славаччыны, ды спаборнічаў у камандах Аўстрыі, Чэхіі і Фінляндыі. Менавіта ў скандынаўскай краіне дэбютаваў у прафэсійным хакеі, выступаючы ў складзе клюбу ТПС. У 2022 годзе быў задрафтаваны клюбам «Манрэаль Канадыенз» пад агульным першым нумарам, стаўшы першым у гісторыі славак, які быў задрафтаваны пад такім нумарам. Яшчэ раней на драфце 2000 году Марыян Габарык быз задрафтаваны толькі трэцім. Гулец, які звычайна ў зборнай гуляе пад нумарам 20, жадаў прыдбаць сабе такі ж нумар у клюбе, які аднак ужо быў заняты Крысам Ўайдманам. Тым ня менш, Ўайдман саступіў свой нумар маладому славаку ў абмен на швэдар з аўтографам маладога талента дзеля свайго сына^[5]. У свой першы сэзон хакеіст згуляў толькі палову гульняў каманды, пераважна праз пашкоджаньні. Аднак, ужо ў сэзоне 2023—2024 гадоў адгуляў увесь рэгулярны сэзон у складзе дружыны. 10 красавіка 2024 году адзначыўся хет-трыкам у матчы супраць «Філадэлфіі Флаерз»^[6].

Міжнародная

Прыцягваўся да матчаў зборнай розных узростаў. У веку 17 гадоў быў уключаны ў заяўку зборнай Славаччыны на Алімпійскія гульні 2022 году, у выніку чаго стаў наймаладзейшым хакеістам турніру. Славак у сямі матчах розыгрышу адзначыўся сямю закінутымі шайбамі, у тым ліку дублем у пачатковай гульні супраць зборнай Фінляндыі. У выніку здабыў бронзавы мэдаль у складзе дружыны, а таксама быў прызнаны самым каштоўным гульцом турніру^[7].