Mein Teil

«Mein Teil»^[a] (зь ням. — «Мая частка»^[b]) — песьня нямецкага Neue-Deutsche-Härte-гурта Rammstein, выдадзеная 26 ліпеня 2004 году як лід-самотнік для іхнага чацьвертага студыйнага альбома Reise, Reise. Нямецкія СМІ назвалі яе «das Kannibalenlied» (канібальская песьня») з-за таго, што тэкст заснаваны на гісторыі Арміна Майвэса^[2], які ў 2001 годзе забіў і зьеў Юргена Брандэса зь яго добраахвотнай згоды. Гэта дапамагло песьне падняцца на другое месца ў нямецкіх музычных чартах і стаць самотнікам № 1 у Гішпаніі.

«Mein Teil»
Самотнік Rammstein з альбому Reise, Reise
Выдадзены	26 ліпеня 2004
Жанр	Neue Deutsche Härte
Лэйбл	Universal
Фармат	кампакт-дыск грампласьцінка
Бок «Б»	рэміксы
Працягласьць	4:32
Прадусары	Rammstein Якаб Гэльнар
Мова	нямецкая[~ 1]
Месца запісу	El Cortijo Studio, Маляга, Гішпанія[1]
Аўтар словаў	Rammstein
Аўтар музыкі	Rammstein
Кампазытары	Rammstein
Храналёгія самотнікаў Rammstein
«Feuer frei!» (2002) «Mein Teil» (2004) «Amerika» (2004)
Відэакліп
Відэа на YouTube

Рэміксы былі зробленыя Артурам Бэйкерам і Pet Shop Boys. «Mein Teil» была намінаваная на 48-ю прэмію «Грэмі» ў катэгорыі «Найлепшае мэталічнае выкананьне», але прайграла песне «Before I Forget» гурта Slipknot.

Гісторыя

Песьня натхнёная справай Арміна Майвэса й Бэрнда Юргена Брандэса^[2][3]. У сакавіку 2001 году ў горадзе Ротэнбург-на-Фульдзе двое мужчын ва ўзросьце каля 40 гадоў сустрэліся адзін з адным, адрэзалі і падрыхтавалі чэлес Брандэса і паспрабавалі зьесьці яго разам^[4]. Пасьля гэтага Мейвэс забіў Брандэса, расчляніў яго, а потым захоўваў і еў ягоныя рэшткі на працягу наступных 10 месяцаў, пакуль яго не злавілі ў сьнежні 2001 году^[4]. У выніку (30 студзеня 2004) Майвэс быў прысуджаны да васьмі з паловай гадоў турмы за ненаўмыснае забойства, але пазьней (у 2006) яго абвінавацілі ў забойстве і прысудзілі да пажыцьцёвага зьняволеньня^[4]. Паводле басіста Олівэра «Олі» Рыдэля, песьня зьявілася пасьля таго, як

…адзін з нашых удзельнікаў прынёс на рэпэтыцыю газэту, у якой быў артыкул пра хлопца-канібала. Мы былі зачараваныя, шакаваныя і забаўленыя адначасова.

— Олівэр Рыдэль^[5].

Вакаліст гурта Тыль Ліндэман заявіў:

Гэта настолькі ванітна, што становіцца займальным, і пра гэта проста неабходна напісаць песьню.

— Тыль Ліндэман^[3][6][7].

Відэакліп

Рэжысэрам відэакліпа для «Mein Teil» выступіў Зоран Біхач^[8], кліп здымаўся ў Бэрліне, у пэрыяд з 2 па 3 чэрвеня 2004 году^[9], прэм’ера адбылася 9 ліпеня 2004^[10].

У кліпе Крыстаф Шнайдэр пераапранаецца ў маці Арміна Майвэса, Тыль Ліндэман займаецца аральным сэксам з анёлам (у выкананьні Лучыяны Рэгіны), перш чым зьесьці ейныя крылы й забіць; Крысьціян Лёрэнц выконвае балет у галюцынатарным стане; Паўль Ляндэрс трасецца, люта крычыць і блукае вакол у варʼяцкім стане; Рыхард Круспэ люта бʼецца са сваім двайніком; Олівер Рыдэль курчыцца на падлозе ў балючых спазмах, ягоная скура пакрытач белым парашком; група бʼецца ў гразі; Шнайдэр вядзе астатніх удзельнікаў групы на ланцужках, калі яны выпаўзаюць са станцыі Deutsche Oper бэрлінскага мэтро й паводзяць сябе як сабакі.

У пачатку кліпа гучыць фраза «Suche gut gebauten Achtzehn-bis Dreißigjährigen zum Schlachten — Der Metzgermeister» («Шукаю добра складзенага 18-30-гадовага хлопца для забою — мясьнік»), агучаная Рыдэлем. У альбомнай вэрсіі песьні такога пачатку няма. Цытата ўзятая з інтэрнэт-паста Арміна Мейвэса^[11][9].

Паводле пачатковай задумцы, кліп павінен быў распавядаць гісторыю людзей, якія ў выніку крушэньня самалёта аказваюцца на востраве канібалаў, дзе іх зьядаюць^[9][12]. Плянавалася сцэна, дзе кагосьці з удзельнікаў гурта вараць у катле^[12]. Гэты сцэнар ня быў выкарыстаны, але ідэю з катлом адаптавалі для сцэнічнага выкананьня песьні^[9][12].

MTV Germany абмежавалі паказ кліпа: ён трансьляваўся пасьля 23:00^[9].

Выкананьне ўжывую

Лёрэнц (зьлева) і Ліндэман падчас выкананьня «Mein Teil», Лёндан, 2012

Дэбют «Mein Teil» адбыўся на трох канцэртах запар для сябраў фан-клюбу ў кастрычніку 2004 году. Выкананьне гэтай песьні ёсьць адным з найпрыкметнейшых выступаў гурта ў Ahoi Tour’ы (2004—2005).

З цэнтральнага закуліснага праходу зьяўляецца Тыль Ліндэман, які цягне за сабой гіганцкую рондаль. Ён апрануты ў касьцюм скрываўленага кухара і трымае мікрафон зь вялікім сапраўдным кухонным нажом на канцы. У рондалі зьяўляецца клявішнік Фляке Лёрэнц^[13], да рук і ног якога прымацаваныя мэталічныя цыліндры, і грае на клявішных падчас песьні. Пасьля другога прыпеву Тыль бярэ агнямёт і падсмажвае дно рондаля, «рыхтуючы» Фляке. Ён выбіраецца з рондаля і пачынае бегаць па сцэне з полымем на рукох і нагох, а за ім гоніцца Тыль з нажом.

Паводле Фляке «…усё гэта нармальна. Гэта толькі боль … удыхаць нельга, таму што тады можна надыхацца полымем і памерці»^[14].

З-за тэатральнасьці выкананьня песьня звычайна доўжыцца шэсьць ці сем хвілінаў, калі выконваецца ўжывую. Яна гучала на ўсіх канцэртах тура Ahoi, але была выключана са сьпісу падчас тура Liebe ist für alle da, што выклікала раздражненьне многіх прыхільнікаў. «Mein Teil» вярнулася ў плэйліст лацінаамэрыканскай часткі тура ў 2010 годзе, на некаторыя выступы на фэстывалі Big Day Out і паўднёваафрыканскай часткі тура ў 2011 годзе, замяніўшы «Ich tu dir weh» (за выключэньнем бразыльскай часткі паўднёваамэрыканскага тура, дзе гучалі абедзьве песьні). Песьня зьявілася падчас канцэртнага тура Made in Germany 1995—2011, у 2016 годзе яна зноў перастала выконвацца ў канцэртах, пакуль у 2019 годзе яе не ўключылі ў сэтліст Stadium Tour’а.

За пэрыяд Ahoi Tour’а песьню была выкананая 71 раз, а за ўсю гісторыю тураў Rammstein — 328 раз^[15].

Сьпіс кампазыцыяў

Песьня напісаная й выкананая Rammstein^[1][16][17]:

• Тыль Ліндэман — вакал;
• Рыхард Круспэ — гітара;
• Олівэр Рыдэль — бас-гітара;
• Паўль Ляндэрс — гітара;
• Крысьціян «Фляке» Лёрэнц — клявішныя;
• Крыстаф «Дум» Шнайдэр — ударныя.

Альбом спрадусаваны Якабам Гэльнарам і Rammstein^[1], кампазытары — Rammstein^[1].

Сьпісы кампазыцыяў паводле фарматаў / выданьняў^[18]:

CD Maxi-Single

Трэкліст для maxi-самотніка

№	Назва
1.	«Mein Teil»	4:23
2.	«Mein Teil (You Are What You Eat Edit by Pet Shop Boys)»	4:07
3.	«Mein Teil (The Return To New York Buffet Mix by Arthur Baker)»	7:22
4.	«Mein Teil (There Are No Guitars On This Mix by Pet Shop Boys)»	7:20

Rock-It — CD і 2-Track CD

Трэкліст для Rock-It-самотніка й для двухтрэкавага CD

№	Назва
1.	«Mein Teil»	4:23
2.	«Mein Teil (You Are What You Eat Edit by Pet Shop Boys)»	4:07

12” Doppel-Vinyl

Vinyl 1 Трэкліст для вініла (1) № Назва 1. «Mein Teil (You Are What You Eat Edit by Pet Shop Boys)» 6:45 2. «Mein Teil (You Are What You Eat instrumental mix by Pet Shop Boys)» 7:00

Vinyl 2 Трэкліст для вініла (2) № Назва 1. «Mein Teil (The Return To New York Buffet Mix by Arthur Baker)» 7:22 2. «Mein Teil (The Return To New York Buffet instrumental mix by Arthur Baker)» 7:23

Чарты

Тыднёвыя чарты Найвышэйшыя пазыцыі ў чартах  АЎС 69[19]  АЎТ 6[20]  БЭЛ 40 (Фляндрыя)[21] 10 (Валёнія)[22]  ВУГ 40 (Dance Top 40)[23] 5 (Single Top 40)[24]  ГІШ 1[25]  ДАН 6[26]  ІТА 44[27]  НАР 11[28]  НІД 15[29]  НЯМ 2[30]  ФІН 2[31]  ФРА 28[32]  ШВА 11[33]  ШВЭ 8[34]  ВЯЛ · The Official Charts Company (OCC) UK Singles 61[35] Rock & Metal 1[36]  ШАТ 63[37]

Чарты ў канцы году Найвышэйшыя пазыцыі ў чартах  НЯМ 55[38]

Заўвагі

Асноўныя

1. Нямецкае вымаўленьне: майн тайль, МФА: [ma͡ɪn ta͡ɪl].
2. Таксама частка мяне, слэнг. мой чэлес.

Камэнтары

1. У тэксьце ёсьць таксама частка на ангельскай мове (вылучаная курсівам): «Yes, it’s mein Teil — nein»^[1].