Meine Welt (самотнік)

«Meine Welt»^[a] (зь ням. — «Мой сьвет»^[6]) — чатырнаццаты самотнік у сольнай кар’еры фронтмэна нямецкага гурта Rammstein Тыля Ліндэмана^[7]. Рэліз самотніка адбыўся 20 сьнежня 2024 году^[8] на нямецкім лэйбле Out of Line Music^[9]. Кампазытарам і прадусарам песьні выступіў Нікалас Робэрт Людвіг^[5].

«Meine Welt»
Самотнік Till Lindemann
Выдадзены	20 сьнежня 2024¹
Жанр	рок[1] мэтал[2]
Лэйбл	Out of Line Music[3]
Фармат	лічбавае спампаваньне стрымінг вініл CD
Працягласьць	7:43[4]
Прадусар	Нікалас Робэрт Людвіг[1]
Мова	нямецкая
Аўтар словаў	Тыль Ліндэман[3]
Кампазытар	Нікалас Робэрт Людвіг[5][1]
Храналёгія самотнікаў Till Lindemann
«Übers Meer» (2024) «Meine Welt» (2024) …
Відэакліп
Відэа на YouTube
¹ Двухтрэкавы самотнік з рэміксам замяніў аднатрэкавы на стрымінгавых пляцоўках 20 лютага 2025 году.

Пакуль невядома, ці «Meine Welt» ёсьць самастойным самотнікам альбо самотнікам да альбома^[10]. Словы на вокладцы («Kill Till»), можна зразумець як даніну павагі фільму Квэнтына Тарантына Забіць Біла, і як рэфэрэнс да тэндэнцыяў актывістаў адмяніць музы́ку^[11].

Назва самотніка стала назвай будучага аднайменнага канцэртнага тура Ліндэмана^[12][13], які пройдзе ў 2025 годзе^[14]. «Meine Welt» была ўключаная часопісам Revolver у сьпіс «6 best new songs right now: 12/20/24» («6 найлепшых новых песьняў цяпер: 20 сьнежня 2024»)^[15].

«Meine Welt» была ўключаная ў сьпіс «Aktuelle Bullets» у катэгорыі самотнікаў Нямецкіх Альтэрнатыўных Чартаў (Deutsche Alternative Charts)^[16].

Гісторыя

Глядзіце таксама: Till Lindemann § Meine Welt

Празь некалькі месяцаў пасьля завяршэньня стадыённана канцэртнага тура Rammstein і фэстывальнага тура Ліндэмана, быў абвешчаны новы эўрапейскі аднайменны тур музыкі^[17][18][19]. Ён павінен пачацца 29 кастрычніка 2025, у Ляйпцыге, і скончыцца 16 сьнежня таго ж году ў Штутгарце^[18][19]. Празь некалькі дзён пасьля абвяшчэньня тура, 29 лістапада 2024 году, у базе зьвестак GEMA зьявілася інфармацыя пра новую песьню музыкі — «Meine Welt»^[5].

Зьвесткі пра выхад самотніка зьявіліся ў сетцы ў неафіцыйнай суполцы мэксыканскіх фанатаў Rammstein у Facebook 5 сьнежня 2024 году^[20], за 15 дзён да афіцыйнага рэлізу песьні.

18 сьнежня (за два дні да рэлізу) ў Instagram музыкі зьявіўся тызер самотніка, у якім быў паказаны чалавечы эмбрыён на пустым чорным фоне^[21] й назва самотніка з надпісам «Soon» (з анг. — «хутка»)^[22].

19 сьнежня быў апублікаваны другі тызер самотніка, які зьмяшчаў надпіс «tomorrow» («заўтра») і надпіс «КИЛЛ ТИЛЛ» кірыліцай^[23] (трансьлітарацыя ангельскага «KILL TILL», літ. «забей Тыля»)^[24], што адсылала да футболкі, у якую апрануўся Тыль^[25] у адказ на плякат, які выкарыстоўваўся падчас абвінавачваньняў музыкі ў згвалтаваньні ў 2023 годзе^[26]; Ліндэман быў прызваны невінаватым Бэрлінскай пракуратурай^[27].

Рэліз самотніка адбыўся 20 сьнежня 2024 году на ўсіх стрымінгавых пляцоўках і ў фарматах вінілавых пласьцінак і CD^[9][28].

20 лютага 2025 году лічбавы аднатрэкавы самотнік быў заменены новым двухтрэкавым^[4]. Другой кампазыцыяй стаў рэмікс «Meine Welt (Megabot Remix feat. Zacky Vengeance)», анансаваны 19 лютага^[29].

Тэма

Тэкст песьні можа адсылаць да абвінавачваньняў музыкі ў сэксуальным гвалце ў 2023 годзе. Лірычны герой песьні паказвае сябе як ізгоя: «Niemand weiß, wie es ist, wenn die Nacht so endlos ist / Einzig Freund die Einsamkeit, Dunkelheit» («Аніхто ня ведае, што ёсьць бясконцая ноч / Адзіны сябар — адзінота, цемра»)^[11].

Лірычны герой прапануе слухачу ўвайсьці ў ягоны сьвет, пабачыць усё ягонымі вачыма: «Ich zeig’ dir meine Welt / Ein Ort für verirrte Seelen» («Я пакажу табе свой сьвет / Месца для страчаных душ»)^[11].

Даступныя выданьні

Ніжэй прыведзены сьпіс выданьняў «Meine Welt». Лічбавыя выданьні сталі даступныя 20 сьнежня 2024 году (вэрсія з рэміксам — 20 лютага 2025). Фізычная прадукцыя стала даступная 28 сакавіка 2025 году (13 лютага лэйбл Out of Line Music паведаміў, што дата рэлізу фізычных выданьняў перанесеная з 14 сакавіка на 28 праз «тэхнічныя прычыны»^[30]), аднак перадзаказ быў даступны ўжо 20 сьнежня^[31][32].

Лічбавыя фарматы

• Спампаваньне^[33][34];
• Стрымінг^[2][34].

Фізычныя фарматы

Даступныя вінілавыя пласьцінкі й кампакт-дыскі, у прыватнасьці^[35]:

• Лімітаваы фан-пакет зь лімітаваным 7-цалевым фотавінілам, лімітаваным празрыстым CD, футболкай, баваўняным шопэрам, паштоўкай і вінілавай налепкай; (Limited Fan Bundle with limited 7” picture vinyl, limited transparent CD, t-shirt, cotton bag, postcard & vinyl sticker);
• Лімітаваны 7-цалевы фотавініл і звычайны 7-цалевы вініл (Limited 7” picture vinyl & regular 7” vinyl);
• Лімітаваны празрысты кампакт-дыск і звычайны кампакт дыск (Limited transparent CD & regular CD).

Сьпіс кампазыцыяў

Вініл № Назва 1. «бок А: Meine Welt» 4:03 2. «бок Б: Meine Welt — Megabot Remix feat. Zacky Vengeance (Avenged Sevenfold)» 3:40 7:43

CD № Назва 1. «Meine Welt» 4:03 2. «Meine Welt — Megabot Remix feat. Zacky Vengeance (Avenged Sevenfold)» 3:40 3. «Meine Welt — Weltuntergang Remix by Aesthetic Perfection»

Лічбавае спампаваньне, стрымінг

Аднатрэкавы самотнік № Назва 1. «Meine Welt» (Мой сьвет) 4:03[36] 4:03

Двухтрэкавы самотнік № Назва 1. «Meine Welt» (Мой сьвет) 4:03 2. «Meine Welt (Megabot Remix feat. Zacky Vengeance)» 3:40 7:43[4][37]

Трохтрэкавы самотнік № Назва 1. «Meine Welt» (Мой сьвет) 4:03 2. «Meine Welt (Megabot Remix feat. Zacky Vengeance)» 3:40 3. «Meine Welt (Weltuntergang Remix by Aesthetic Perfection)» 3:46 11:28

Заўвагі

1. Нямецкае вымаўленьне: ма́йнэ вельт, МФА: [mˈa͡ɪnə vˈɛlt].