SDSS J102915+172927

SDSS J102915+172927 ці зорка Кафо — зорка 2-га пакаленьня ў галяктычным гало, бачная ў сузор’і Льва. Узрост зоркі складае каля 13 мільярдаў гадоў, што робіць яе адной з найстарэйшых зорак у Сусьвеце^[1]. Зорка была адкрытая групай эўрапейскіх астраномаў на чале з Элізабэтай Кафо і апісаная ў часопісе «Nature» 1 верасьня 2011.

SDSS J102915+172927
Зорка
SDSS J102915 172927 у VLT
Гісторыя дасьледаваньня
Адкрывальнік	Элізабэт Кафо
Дата адкрыцьця	2011
Простае ўзьняцьцё	10г 29х 15,15с
Схіленьне	+17° 29′ 28″
Бачная зорная велічыня (V)	+16.92
Сузор’е	Леў
Фізычныя характарыстыкі
Узрост	~13 млрд гадоў
Мэталічнасьць	< 6,9×10−7

Гэта маленькая (меней за 0,8 масы Сонца)^[2] зорка, якая на 99,99993% складаецца з вадароду і гелю^[3]; на долю вугляроду, азоту, і тлену даводзіцца 0.00007%; літ цалкам адсутнічае. Паколькі вуглятвор і тлен ствараюць тонкаструктурны ахаладжальны мэханізм, неабходны для фармаваньня зорак малой масы, паводле сучаснае тэорыі зорка Кафо павінна была б знаходзіцца толькі ў выглядзе газавага воблака^[4].

Паводле тэарэтычных разьлікаў і назіраньняў было прынята, што фармаваньне зорак малой масы ў міжзорным асяродзьдзі патрабуе ўзроўню мэталічнасьці паміж 1,5×10⁻⁸ і 1,5×10^−6[5]. У момант адкрыцьця зорка Кафо мела найменшую вядомую дагэтуль мэталічнасьць^[6]: меней за 6,9×10^−7[5].