Іказьненскі замак

Іказьненскі замак — помнік гісторыі і абарончай архітэктуры ў Іказьні. Знаходзіўся на паўднёва-ўсходняй ускраіне выспы Замку возера Іказьні. Існаваў у XVI—XVIII стагодзьдзях. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік абарончай архітэктуры
Іказьненскі замак
Іказьненскі замак, з мапы 1613 г.
Краіна	Беларусь
Вёска	Іказьнь
Заснавальнік	Іван Сапега
Дата заснаваньня	XVI ст.
Дата скасаваньня	XVIII стагодзьдзе
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Іказьненскі замак на Вікісховішчы

Гісторыя

Замак у Іказьні ў 1504 годзе заклаў браслаўскі староста Іван Сапега. У 1515 годзе замак вытрымаў аблогу маскоўскіх войскаў. Гісторык Аляксандар Гваньіні ў 2-й палове XVI ст. адзначаў, што «Іказьнь — замак мураваны і места драўлянае… ад Браслава ў 2 мілях ляжыць».

За часамі Інфлянцкай вайны (1558—1583) у 1561 годзе Сапегі разьмясьцілі ў замку значную залогу наёмных войскаў. За часамі вайны Маскоўскай дзяржавы з Рэччу Паспалітай (1654—1667) у 1654 годзе замак захапілі маскоўскія войскі, у 1655 годзе тут знаходзіліся швэдзкія аддзелы.

Замак зруйнавалі ў часы Вялікай Паўночнай вайны^[1].

Галерэя

• Мастацкая рэканструкцыя Паўла Татарнікава паводле матэрыялаў Міхася Ткачова і Міколы Волкава
• 
  Выгляд да сярэдзіны XVI ст.
• 
  Па перабудове Льва Сапегі, 1590-я гг.
• 
  Па перабудове Яна Станіслава Сапегі, 1629 г.