Аальст

А́альст (нід. Aalst [aːlst], франц. Alost [alɔst]) — места й камуна ў Бэльгіі, у правінцыі Ўсходняя Фляндрыя. Камуна Аальст складаецца з уласна места й мястэчак Бардэгем, Эрэмбадэгем, Гейзегем, Хердэрсем, Хофстадэ, Мелдэрт, Морсел, Ніўверкеркен-Аальст. Разьмешчаны на рацэ Дандар.

Аальст
нід. Aalst
Герб Аальсту Сьцяг Аальсту
Краіна:	Бэльгія
Акруга:	Фляндрыя
Правінцыя:	Усходняя Фляндрыя
Кіраўнік:	Крыстоф Д’Гэзэ[d]
Плошча:	78,12 км²
Вышыня:	14 м н. у. м.
Насельніцтва
колькасьць:	82 587[1] чал. (2013)
шчыльнасьць:
Часавы пас:	UTC+1
летні час:	UTC+2
Тэлефонны код:	053
Паштовы індэкс:	9300, 9308, 9310, 9320
Геаграфічныя каардынаты:	50°56′18″ пн. ш. 4°2′21″ у. д.
Аальст на мапе Бэльгіі Аальст
Галерэя здымкаў у Вікісховішчы
http://www.aalst.be/

Гісторыя

Упершыню Аальст згадваецца ў дакумэнтах IX стагодзьдзя як загарадная сядзіба абацтва Лоб. У сярэднія вякі ён меў вялікае стратэгічнае значэньне, знаходзячыся на пераправе праз Дандар і на дарозе Бруге — Кёльн. У XI стагодзьдзі места перайшло ад Брабанту да Фляндарскага графства. У сярэдзіне XII стагодзьдзя пачалося будаўніцтва ратушы, самай старой у Бэльгіі. Хоць у 1360 г. места моцна пацярпела ад пажару, неўзабаве яно быў адноўленае й пачало багацець дзякуючы разьвіцьцю ткацтва. У пэрыяд Нідэрляндзкай рэвалюцыі места моцна пацярпела. У ходзе Дэвалюцыйнай вайны Аальст быў узяты францускімі войскамі пад камандаваньнем маршала Цюрэна ў 1667 годзе й заставаўся пад францускай акупацыяй да 1706 году. Францускія ўлады садзейнічалі разьвіцьцю ткацкай прамысловасьці. Прамысловая рэвалюцыя, якая пачалася ў XIX стагодзьдзі, выклікала ў Аалсьце шмат праблем і зрабіла яго адным з цэнтраў рабочага руху ў краіне. Герб Аальсту зьмяшчае колеры гэтага пэрыяду: белы й чырвоны.

Эканоміка

Асновай эканомікі Аальсту зьяўляецца вытворчасьць тэкстылю й машын для ягонае вытворчасьці, а таксама вырошчваньне хмеля й піваварства.

Месты-сябры

Пералік местаў-сяброў Аальсту
Баўгарыя, Габрава  ПАР, Вустэр