Аляксандар Галоўчынскі

Аляксандар Галоўчынскі (каля 1570 — 12 траўня 1617) — дзяржаўны дзяяч Вялікага Княства Літоўскага. Кашталян жамойцкі (1604—1614), ваявода амсьціслаўскі (з 1614).

Аляксандар Галоўчынскі

Герб «Лебедзь»
Асабістыя зьвесткі
Нарадзіўся	каля 1570
Памёр	12 траўня 1617
Пахаваны	касьцёл Сьвятога Духа і кляштар дамініканаў[1]
Род	Галоўчынскія
Бацькі	Яраслаў Галоўчынскі Невядомая з Хадкевічаў
Жонка	Альжбета з Валовічаў
Дзеці	Самуэль, Ганна

Трымаў Лідзкае староства (1602—1613) і Вількійскую дзяржаву (з 1616).

Біяграфія

З княскага роду Галоўчынскіх гербу «Лебедзь», сын Яраслава і ягонай жонкі з Хадкевічаў. Меў брата Канстантына.

Удзельнічаў у вайне Рэчы Паспалітай з Маскоўская дзяржавай (Смаленскай кампаніі 1609), у мірных перамовах з маскоўскімі пасламі ў 1615. Перайшоў у каталіцтва^[2].

Ажаніўся з Альжбетай, дачкой слонімскага старосты Міхала Валовіча. У шлюбе меў сына Самуэля і дачку Ганну (? — 1643), жонку пісара вялікага літоўскага Крыштапа Стэфана Сапегі.