Андраш Шэфэр

Андраш Шэфэр (па-вугорску: András Schäfer; нар. 13 красавіка 1999 году) — вугорскі футбаліст, цэнтральны паўабаронца нямецкага клюбу «Ўніён» і нацыянальнай зборнай Вугоршчыны. Мае нямецкае паходжаньне, бо як мяркуецца ягоныя продкі прыбылі ў Вугоршчыну з Баварыі.

Андраш Шэфэр
Пэрсанальная інфармацыя
Нарадзіўся	13 красавіка 1999(1999-04-13)[1] (26 гадоў) Сомбатхэй, Вугоршчына
Рост	1,79 м
Пазыцыя	паўабаронца
Клюбная інфармацыя
Клюб	Уніён Бэрлін
Нумар	13
Клюбы
Гады	Клюб	Гульні (галы)¹
2016—2019	МТК Будапэшт	44 (5)
2019—2020	Джэноа	0 (0)
2019—2020	→ К’ева	0 (0)
2020	→ ДАК 1904	8 (0)
2020—2022	ДАК 1904	44 (3)
2022—4	Уніён Бэрлін	70 (3)
Зборныя
2020—4	Вугоршчына	37 (4)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Запачаткаваў кар’еру 1 красавіка 2017 году ў клюбе МТК у матчы айчыннага першынства супраць клюбу «Д’ірмат». Пазьней гуляў у Італіі і Славаччыне. 21 студзеня 2021 году прыяднаўся да нямецкага «Ўніёну». 7 траўня 2022 году адзначыўся першым голам у Бундэсьлізе ў выяздным матчы супраць «Фрайбургу». Сустрэча скончылася пераканаўчай перамогай бэрлінцаў зь лікам 1:4.

У траўні 2023 году пасьля матчу супраць «Фрайбургу» атрымаў траўму^[2][3]. 19 траўня 2023 года быў агучаны дыягназ, паводле якога выявілася, што гулец мае зламаную нагу^[4][5]. 2 чэрвеня 2023 году Шэфэр быў пасьпяхова праапэраваны ў Будапэшце^[6]. Гулец адзначаў, што праз гэтую траўму перажываў самы цяжкі час у сваёй кар’еры. 3 лістапада таго ж году зьявілася інфармацыя, што ягонае аднаўленьне пасьля траўмы ідзе лепш чым меркавалася, і гульца можна чакаць на полі ў найбліжэйшы час^[7]. 25 лістапада згуляў матч супраць «Аўгсбургу»^[8].

Міжнародная

Дэбютаваў у складзе нацыянальнай зборнай Вугоршчыны 3 верасьня 2020 году ў матчы Лігі нацыяў супраць зборнай Турэччыны. Свой першы гол у складзе нацыянальнай дружыны ўлучыў 4 чэрвеня 2021 году ў матчы супраць зборнай Кіпру.