Антаніна Хатэнка

Антані́на Яўге́наўна Хатэ́нка (нар. 28 красавіка 1956, вёска Зенькаўцы, Ружанскі раён Берасьцейскай вобласьці БССР, цяпер у Славаціцкім сельсавеце Зэльвенскага раёну Гарадзенскай вобласьці) — беларуская паэтка, этнакультуроляг, журналістка.

Антаніна Хатэнка
Асабістыя зьвесткі
Нарадзілася	28 красавіка 1956(1956-04-28) (69 гадоў) Зенькаўцы, Славаціцкі сельсавет, Ружанскі раён, Берасьцейская вобласьць, БССР, СССР
Літаратурная дзейнасьць
Род дзейнасьці	паэтка, журналістка
Мова	беларуская мова
Узнагароды	Прэмія імя Міхася Стральцова (2022)
Антаніна Хатэнка ў Вікісховішчы

Жыцьцяпіс

Нарадзілася ў сям’і настаўніка. У 1963—1973 навучалася ў пружанскай школе-інтэрнаце^[1] (цяпер — СШ №4), скончыла філялягічны факультэт БДУ (1973—1978). Працавала настаўніцай беларускай, расейскай мовы і літаратуры ў Задор’еўскай сярэдняй школе. Праз год вярнулася ў Менск, працавала ў кнігарні «Палітычная кніга» (1979—1981), карэктарам, малодшым рэдактарам выдавецтва «Народная асьвета» (1982—1985), у «Белтэлерадыёкампаніі»^[2].

З 2010 працуе вядучым спэцыялістам па этнаграфіі ААТ СП «Іўкон»^[3][1].

Сябра Саюзу беларускіх пісьменьнікаў. Жыве ў Менску.

Творчасьць

Першай вядомай спробай паэзіі быў гімн гораду Пружаны. Аўтарка кніг «Зьдзічэлае рэха вясны», «Зьніч крыжовых дарог», «Чалавек на далоні Сусьвету», «Тры грацыі» й інш.