Арлянка (Берасьцейская вобласьць)

Арля́нка^[1] — вёска ў Маларыцкім раёне Берасьцейскай вобласьці. Уваходзіць у склад Гвозьніцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Арлянка.

Арлянка
трансьліт. Arlianka
Краіна:	Беларусь
Вобласьць:	Берасьцейская
Раён:	Маларыцкі
Сельсавет:	Гвозьніцкі
Насельніцтва:	69 чал. (2010)
Часавы пас:	UTC+3
Тэлефонны код:	+375 1651
Паштовыя індэксы:	225926, 225906
СААТА:	1252808031
Нумарны знак:	1
Геаграфічныя каардынаты:	51°52′26″ пн. ш. 23°53′47″ у. д.
Арлянка на мапе Беларусі ± Арлянка Арлянка

Назва

Мясцовая форма назвы вёскі — Гарлянка. Наогул сучасная назва вёскі зьяўляецца скажонай формай больш старажытнай, якую памятаюць яшчэ старыя жыхары навакольля — Ірляндка.

Гісторыя

Вядома, што ў XIX стагодзьдзі маёнтак Ірляндка Берасьцейскага павету належаў радзіне Высоцкіх, у сярэдзіне XIX стагодзьдзя — Ясклоўскаму А. П.

У 1864 годзе ўладальнік маёнтку Ірляндка Берасьцейскага павету Гарадзенскай губэрні памешчык Эдуард Высоцкі, які быў удзельнікам паўстаньня 1863 году, як палітычны злачынца паводле рашэньня суду быў пазбаўлены правоў стану, а яго маёмасьць была канфіскаваная ў расейскую казну^[2]. Сам ён быў высланы ў Томскую губэрню.

Насельніцтва

• 2010 год — 69 чалавек
• 1999 год — 96 чалавек