Бялуха (гара)

Бялу́ха (па-паўднёваалтайску: Ӱч-Сӱмер — «Трохгаловая», па-паўднёваалтайску: Кадын-Бажы — «Вяршыня Катуні», па-казаску: Мұзтау Шыңы^[1][2]), па-расейску: Белуха) — самая высокая вяршыня Алтая, ва ўсходняй частцы Катунскага горнага сьцяга, адна з самых высокіх гор у Расейскай Фэдэрацыі, на граніцы з Казахстанам.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бялуха (неадназначнасьць).

Бялуха
Найвышэйшы пункт
Вышыня	4509 м н. у. м.
Адносная вышыня	3343 м н. у. м.
Ізаляцыя	668 км н. у. м.
Геаграфія
Месцазнаходжаньне	Рэспубліка Алтай
Кантынэнт	Азія
Краіны	Расея, Казахстан
Горная сыстэма	Katun Range[d]
Бялуха на мапе Расеі Бялуха
Бялуха ў Вікісховішчы

Знаходзіцца на тэрыторыі Усьць-Коксінсага раёну Рэспублікі Алтай. Праз масіў Бялухі праходзіць граніца Расеі і Казахстану. Са схілаў гары бярэ пачатак рака Катунь. Назва вяршыні паходзіць ад вялікага сьнегу, які пакрывае гару ад піка да самага нізу.

Фізыка-геаграфічная характарыстыка

Складаецца з падзеленых седлавінай Усходняй Бялухі (4506 м) і Заходняй Бялухі (4440 м), складзеных з гранітаў, гнэйсаў і мэтамарфічных сланцаў. Ледавікі Мёнсу, Вялікі Бярэльскі, Мюштуайры, Катунскі і іншыя, агульная плошча больш за 70 км².

Галерэя

• 
  Гара Бялуха і яе адлюстраваньне ў возеры Акем
• 
  Краявід на Бялуху з возера Акем.
• 
  Гара Бялуха, паўночны склон
• 
  Гара Бялуха, краявід ад возера Акем
• 
  Гара Бялуха, краявід зь ледніка на паўночны склон
• 
  Вяршыня гары Бялуха, краявід з Томскіх стаянак
• 
  Гара Бялуха зь вяршыні горы Байда, адлегласьць каля 50 км.