Васіль Далгалёў

Васіль Барысавіч Далгалёў (нар. 25 траўня 1951 году ў Рагачове) — беларускі палітык і дыплямат.

Васіль Далгалёў
Надзвычайны і Паўнамоцны Амбасадар Рэспублікі Беларусь у Расейскай Фэдэрацыі
4 жніўня 2006 — 8 сьнежня 2011
Прэзыдэнт	Аляксандар Лукашэнка
Прэм’ер-міністар	Сяргей Сідорскі, Міхаіл Мясьніковіч
Папярэднік	Уладзімер Грыгор’еў
Наступнік	Андрэй Кабякоў
Асабістыя зьвесткі
Нарадзіўся	25 траўня 1951 (74 гады) Рагачоў, Гомельская вобласьць
Адукацыя	Беларускі дзяржаўны ўнівэрсытэт інфарматыкі і радыёэлектронікі
Узнагароды	Ордэн Пашаны (Беларусь)

Адукацыя

У 1973 годзе скончыў Менскі радыётэхнічны інстытут, у 1993 годзе — Беларускі дзяржаўны эканамічны ўнівэрсытэт і ў 1996 годзе — магістратуру Беларускага дзяржаўнага эканамічнага ўнівэрсытэту. Кандыдат эканамічных навук, магістр зьнешнеэканамічнай дзейнасьці. Аўтар больш 20 навуковых прац і манаграфій.

Біяграфія

Да 10 красавіка 1995 году быў дэпутатам Вярхоўнага Савету Рэспублікі Беларусь 12-га скліканьня^[1].

З 4 жніўня да 10 кастрычніка 1995 году быў начальнікам Службы кантролю Прэзыдэнта Рэспублікі Беларусь^[2][3]. 10 кастрычніка 1995 году быў прызначаны намесьнікам Прэм’ер-міністра Рэспублікі Беларусь^[3]. 20 кастрычніка таго ж году быў уключаны ў склад калегіюму Савету міністраў^[4]. 2 сьнежня 1998 году быў прызначаны першым намесьнікам прэм’ер-міністра Рэспублікі Беларусь^[5].

З 13 сакавіка 2000 году да 9 сакавіка 2004 году быў старшынём Берасьцейскага абласнога выканаўчага камітэту^[6][7].

З 24 кастрычніка 2000 году чалец Савету Рэспублікі Нацыянальнага сходу Рэспублікі Беларусь 2-га скліканьня^[8]. 25 сакавіка 2004 году быў прызначаны Падпаўночным прадстаўніком Прэзыдэнта Рэспублікі Беларусь — намесьнікам Прэм’ер-міністра Рэспублікі Беларусь^[9], у сувязі з чым скончыўся яго мандат дэпутата^[10].

4 жніўня 2006 году прызначаны Надзвычайным і Паўнамоцным Амбасадарам Рэспублікі Беларусь у Расейскай Фэдэрацыі^[11], адстаўлены быў 8 сьнежня 2011 году^[12].

Узнагароды

• Ордэн Пашаны (21 лістапада 2001 году)^[13]
• Ганаровая грамата Савету Міністраў Рэспублікі Беларусь (16 траўня 2011 году)^[14]
• Ганаровая грамата Савету Міністраў Рэспублікі Беларусь (14 сакавіка 2000 году)^[15].