Жалудоцкі сельсавет

Жалудо́цкі сельсаве́т — адміністрацыйна-тэрытарыяльная адзінка ў складзе Шчучынскага раёну Гарадзенскай вобласьці. Адміністрацыйны цэнтар — вёска Жалудок.

Жалудоцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Жалудок
Дата ўтварэньня	31 сакавіка 2013
Насельніцтва	2006 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

12 кастрычніка 1940 году створаны ў складзе Жалудоцкага раёну Баранавіцкай вобласьці БССР. Цэнтар — вёска Фарны Канец. З 20 верасьня 1944 году ў складзе Гарадзенскай вобласьці.

16 ліпеня 1954 году цэнтар сельсавету перанесены ў мястэчка Жалудок^[1]. З 17 красавіка 1962 году ў складзе Шчучынскага раёну.

17 студзеня 1969 году да сельсавету далучаная частка скасаванага Дубраўскага сельсавету. 20 лістапада 1973 году сельсавет скасаваны, населеныя пункты перададзеныя ў падпарадкаваньне Жалудоцкаму пасялковаму савету (вёскі Баяры Жалудоцкія, Вялікае Сяло, Дубялі, Зара Камунізму, Зенюкі, Карсакі, Кукіні, Купры, Логвіны, Малое Сяло, Саваўшчына, Скерсі і Фарны Канец) і Мажэйкаўскага сельсавета (вёскі Багданаўцы, Забалаць, Красулі, Навасёлкі, Тумашаўцы і хутар Гарманціна)^[2].

26 лютага 2013 году Жалудоцкі пасялковы савет рэарганізаваны ў сельсавет^[3].