Мажэйкаўскі сельсавет (Шчучынскі раён)

Мажэйкаўскі сельсавет — адміністрацыйна-тэрытарыяльная адзінка ў складзе Шчучынскага раёну Гарадзенскай вобласьці. Адміністрацыйны цэнтар — вёска Вялікае Мажэйкава.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мажэйкаўскі сельсавет.

Мажэйкаўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Вялікае Мажэйкава
Дата ўтварэньня	1 жніўня 1966
Насельніцтва	▼1504 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году як Гардзеевецкі сельсавет у складзе Жалудоцкага раёну Баранавіцкай вобласьці БССР. Цэнтар — вёска Гардзееўцы. З 20 верасьня 1944 году ў складзе Гарадзенскай вобласьці.

5 чэрвеня 1959 году ў склад сельсавету з Агародніцкага сельсавету перададзена вёска Дзярванцы^[1].

З 17 красавіка 1962 году ў складзе Шчучынскага раёну. 23 сакавіка 1964 году да сельсавету далучана тэрыторыя скасаванага Агародніцкага сельсавету.

1 жніўня 1966 году перайменаваны ў Мажэйкаўскі сельсавет, цэнтар перанесены ў вёску Вялікае Мажэйкава^[2]. У 1966 годзе ў склад сельсавету з Шчучынскага сельсавету перададзены вёскі Валока, Вялікія Баяры, Готараўшчына, Зайкаўшчына, Ішчална, Казарэзы, Кемяны, Корасьць, Малыя Баяры, Навасады, Станіславова, Юцеўцы і Ялашаўцы^[3].

20 лістапада 1973 году да сельсавету далучана частка скасаванага Жалудоцкага сельсавету (вёскі Багданаўцы, Забалаць, Красулі, Навасёлкі, Тумашаўцы і хутар Гарманціна)^[4].

27 сьнежня 2016 году ў склад Васілішкаўскага сельсавету перададзена вёска Нарчы^[5].

Насельніцтва сельсавета паводле перапісу 2009 году — 2404 чалавекі^[6], зь іх 48,5 % — беларусы, 46,2 % — палякі, 4,0 % — расейцы^[7].