Капліца Сьвятой Барбары (Высокае)

Капліца Сьвятой Барбары — помнік архітэктуры XVIII стагодзьдзя ў Высокім. Знаходзіцца ў паўночна-заходняй частцы места, на ўзвышаным беразе ракі Пульвы^[a]. Дзее. Твор архітэктуры барока, часткова зруйнаваны савецкімі ўладамі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Капліца Сьвятой Барбары (неадназначнасьць).

Помнік сакральнай архітэктуры
Капліца Сьвятой Барбары
Капліца Сьвятой Барбары
Краіна	Беларусь
Места	Высокае
Каардынаты	52°22′23″ пн. ш. 23°22′34″ у. д.
Архітэктурны стыль	барока
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Капліца Сьвятой Барбары на мапе Беларусі Капліца Сьвятой Барбары

Гісторыя

Вялікае Княства Літоўскае

Мураваную капліцу ў Высокім збудавалі ў 1772 годзе.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Высокае апынулася ў складзе Расейскай імпэрыі, капліца працягвала дзеяць. 7 сьнежня 1869 году па закрыцьці расейскімі ўладамі Траецкага касьцёла ў Воўчыне яго маёмасьць перанесьлі ў капліцу.

Найноўшы час

Па 1970 годзе савецкія ўлады часткова зруйнавалі будынак капліцы.

У 1990-я гады будынак капліцы вярнулі каталікам, пачалося яго аднаўленьне.

Архітэктура

Помнік архітэктуры барока. Невялікі 8-гранны аб’ём накрываўся шатровым дахам, які завяршаўся фігурным ліхтаром з купалам (чыгуннае ліцьцё, не захаваўся). Грані аздабляюцца роўнымі лучковымі нішамі і вокнамі ў прафіляваных ліштвах, кутнімі лапаткамі, гарызантальнымі цягамі цокаля і карніза.

Усярэдзіне сьцены дэкаруюцца ляпным расьлінным арнамэнтам, рэльефнымі выявамі вайсковых дасьпехаў. Над уваходам на 2 слупах разьмяшчаюцца хоры з ажурнай разной агароджай^[1].

Галерэя

• Гістарычныя здымкі
• 
  да 1939 г.
• 
  да 1939 г.
• 
  да 1939 г.
• 
  да 1939 г.

Заўвагі

1. Цяперашні афіцыйны адрас — вуліца Беляева, 15.