Краснадар (футбольны клюб)

«Краснада́р» (па-расейску: Краснодар) — расейскі футбольны клюб з гораду Краснадару. Заснаваны ў 2008 годзе. Чэмпіён Расеі 2025 году.

Краснадар
Заснаваны	2008
Горад	Краснадар, Расея
Стадыён	Краснадар Умяшчальнасьць: 34 291
Кіраўнік	Сяргей Галіцкі[d]
Галоўны трэнэр	Мурад Мусаеў[d][1]
Чэмпіянат	Прэм’ер-ліга
· 2024—2025	1 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

Гісторыя

Першыя гады

Футбольны клюб «Краснадар» быў заснаваны ў 2008 годзе. Ініцыятарам стварэньня й уладальнікам клюбу зьяўляецца бізнэсоўца Сяргей Галіцкі.

У лютым 2008 году «Краснадар» пасьпяхова прайшоў працэдуру ліцэнзаваньня ПФЛ, атрымаўшы прафэсійны статус і права выступаць у другім дывізіёне. Першы афіцыйны матч каманда правяла 12 красавіка 2008 году ў Таганрозе на стадыёне «Тарпэда», згуляўшы ўнічыю 0:0 з клюбам «НІКА» Чырвоны Сулін. Каманду складалі маладыя гульцы, якімі кіраваў Уладзімер Волчак — першы трэнэр у гісторыі клюбу. Па ходзе сэзону ў «Краснадары» зьявіліся некалькі новых футбалістаў і зьмяніўся трэнэр. У выніку клюб заняў 3-е месца ў сваёй зоне — усьлед за «Волгарам» і «Батайскам-2007», адстаўшы ад лідэра на 11 пунктаў.

15 студзеня 2009 году ў офіс клюбу прыйшоў афіцыйны ліст з ПФЛ з просьбай паведаміць аб гатоўнасьці прыняць удзел у першынстве Расеі па футболе ў першым дывізіёне ў сэзоне 2009 году, у сувязі з адмовай некаторых клюбаў ад удзелу ў першынстве Расеі.

Дэбютны сэзон у першым дывізіёне «Краснадар» завяршыў на 10-м месцы. У наступным годзе камандай кіраваў новы трэнер — Сяргей Ташуеў, вядомы па працы з «Салют-Энэргіяй». Пад ягоным кіраўніцтвам «Краснадар» ярка правёў першае кола першынства, але ў другім гуляў прыкметна горш. Вынікам стала 5-е месца. Ташуеў па ўзаемнай згодзе бакоў пакінуў клюб.

Выхад у Прэм’ер-лігу

У сьнежні 2010 году кіраўніцтва «Краснадару» абвесьціла аб падпісаньні кантракту з сэрбскім спэцыялістам Славалюбам Мусьліным, вядомым па працы з маскоўскім «Лякаматывам», падмаскоўнымі «Хімкамі» й менскім «Дынама». Кантракт з клюбам быў падпісаны па схеме «1,5+1»^[2]. У другой палове студзеня 2011 году клюб таксама ўзмацніўся некаторымі гульцамі, якія мелі досьвед выступу ў найвышэйшай лізе.

Пасьля таго, як «Сатурн» і «Амкар» падалі заяву аб добраахвотным выхадзе з расейскай футбольнай Прэм’ер-лігі ў найвышэйшых футбольных колах разгарнулася дыскусія аб патэнцыйных кандыдатах на замену гэтым клюбам. Называліся наступныя каманды: якія занялі 3 і 4-е месца ў першым дывізіёне «Ніжні Ноўгарад» і «КАМАЗ», а таксама «Аланія», якая выбыла з чэмпіянату. Аднак, у выпадку зьняцьця абедзьвюх камандаў прыярытэтным лічыўся варыянт правядзеньня чэмпіянату з 14-ю камандамі. У выніку бліжэй да 25 студзеня 2011 году ўсё больш пераважнымі станавіліся шанцы «Краснадару». «Амкар» адклікаў заяву на выхад з Прэм’ер-лігі, «Ніжні Ноўгарад» і «КАМАЗ» адмовіліся ад пераходу ў найвышэйшы дывізіён па фінансавых чыньніках, а варыянт з «Аланіяй» РФПЛ палічыў парушэньнем спартовага прынцыпу. 25 студзеня «Краснадар» афіцыйна заняў месца «Сатурну» ў Прэм’ер-лізе^[3][4].

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Станіслаў Агкацаў  2002 2 Аб Віталь Сьцяжко  1997 3 Аб Вітар Тармэна  1996 4 Аб Дыега  1999 5 Аб Жубал  1993 6 ПА Кевін Піна  1997 7 Нап Жуан Віктар  1994 8 ПА Даніла Казлоў  2005 9 Нап Джон Кордаба  1993 10 ПА Эдуард Спэрцян  (капітан) 2000 11 Нап Жуан Башы  1998 14 Нап Густаву Фуртаду  2001 15 Аб Люкас Аляса  1994 16 Бр Аляксандар Каракін 2002 20 Аб Джаваньні Гансэлес  1994

№ Пазыцыя Імя Год нараджэньня 21 Нап Даніл Карпаў  1999 32 Аб Дзьмітры Півавараў  2000 34 Бр Данііл Голікаў 2004 35 Бр Раман Сафронаў 2003 40 Нап Алакунле Алусэгун  2002 53 ПА Аляксандар Чэрнікаў  2000 61 ПА Давід Ндука  2003 66 ПА Дуглас Аўгусту  1997 77 ПА Мікіта Гецьман 2004 88 ПА Мікіта Крыўцоў  2002 90 Нап Мойзэс Кобнан  2002 94 ПА Дзьмітры Кучугура  2004 96 Нап Аляксандар Какшароў  2004 98 Аб Сяргей Пятроў  1991

Галоўныя трэнэры

• Уладзімер Волчак (2008)
• Нурбі Хакунаў (2008—2009)
• Сяргей Ташуеў (2009—2010)
• Славалюб Мусьлін (2010—2013)
• Алег Конанаў (2013—2016)
• Ігар Шалімаў (2016—2018)
• Мурад Мусаеў (з 2018)