Кухмы-Куцы

Ку́хмы-Ку́цы (па-польску: Kuchmy-Kuce, на мясцовай беларускай гаворцы: Куцы́^[2]) — вёска (солтыства Ціванюкі) ў Беластоцкім павеце Падляскага ваяводзтва Польшчы. Знаходзіцца ў гміне Міхалова.

Кухмы-Куцы
польск. Kuchmy-Kuce
Былая назва:	Куцаў Кут
Мясцовая назва:	Куцы
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	57 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	52°58′58″ пн. ш. 23°42′46″ у. д.
Кухмы-Куцы на мапе Польшчы Кухмы-Куцы

Па гістарычных прычынах часта разам з Новымі Кухмамі, Старымі Кухмамі, Кухмамі-Петрукамі, Кавалёвым Грудам і Гарбачамі называецца проста Кухмамі.

Насельніцтва

Жыхары вёскі этнічныя беларусы, праваслаўныя (прыход Нараджэньня Яна Хрысьціцеля ў Новай Волі^[3]) і каталікі (парафія Божага Провіду ў Міхалове^[4]), пераважна з польскай нацыянальнай ідэнтыфікацыяй.

Гісторыя

На пачатку 19 ст. у засьценках Кухмаў былі заснаваныя новыя прысёлкі: Гарбачоў Груд (пазьнейшыя Гарбачы), Калітнік, Куцаў Кут (пазьнейшыя Кухмы-Куцы) ды Пётраў Груд (пазьнейшыя Кухмы-Петрукі). Ва ўсіх Кухмах у 1857 г. пражывалі 120 жыхары, але пасьля эпідэміяў тыфу і халеры ў 18569 г. былі тут толькі 15 сем'яў (7 у саміх Кухмах-Куцах). У 1869 г. тутэйшыя мужыкі атрымалі асабістую свабоду і землю на ўласнасьць. У 1911 г. ва ўсіх Кухмах жылі 369 жыхары ў 24 хатах, але ўжо ў 1915 г. 21 сем'яў падалося ў бежанства ў Расею (вярталіся да 1923 г.)^[5]. У міжваенны пэрыяд Кухмы-Куцы прыналежалі да гміны Ялаўка Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывала тут 43 жыхароў (10 каталікоў і 31 праваслаўных; усе акрамя аднаго чалавека (украінца) былі пагалоўна запісаныя палякамі)^[6]. У 1950 г. ва ўсіх Кухмах пражывала 316 чалавек і з таго маменту колькасьць насельніцтва сістэматычна спадае^[5].