Лэйтан Бэйнз

Лэ́йтан Джон Бэйнз (па-ангельску: Leighton John Baines; нар. 11 сьнежня 1984 году, Кэркбі, Ангельшчына) — былы ангельскі футбаліст, левы абаронца.

Лэйтан Бэйнз
Пэрсанальная інфармацыя
Нарадзіўся	11 сьнежня 1984(1984-12-11)[1][2][3] (40 гадоў) Кэркбі[d], Ноўсьлі[d], Мэрсісайд, Ангельшчына, Вялікабрытанія
Рост	170 см
Вага	74 кг
Пазыцыя	скрайні абаронца
Клюбы
Гады	Клюб	Гульні (галы)¹
2002—2007	Ўіган Атлетык	145 (4)
2007—2020	Эвэртан	348 (29)
Зборныя
2004—2007	Ангельшчына (да 21)[d]	16 (1)
2010—2015	Ангельшчына	30 (1)

Клюбная кар’ера

«Ўіган Атлетык»

Першым прафэсійным клюбам Бэйнза стаў «Ўіган Атлетык». За час выступаў футбаліста за клюб, «Ўіган» здолеў двойчы рушыць наперад у больш высокую лігу й у выніку прайшоў шлях ад Другога дывізіёну да Прэм’ер-лігі.

«Эвэртан»

Улетку 2007 году Бэйнз перайшоў у стан «Эвэртану»^[4]. Паводле ацэнак СМІ трансфэр футбаліста абыйшоўся клюбу ў 5-6 мільёнаў эўра^[5]. У сваім першым сэзоне за новы клюб Бэйнз атрымаў няшмат гульнявой практыкі, правёўшы толькі 29 матчаў ва ўсіх спаборніцтвах за «Эвэртан», з-за траўмы і добрай формы Філа Ягелкі і Джозэфа Ёбы. У ягоны другі сэзон назіраўся рост гульнявога часу ў сувязі з траўмай Ёбы, у той час як Джолеан Лескат перайшоў гуляць у цэнтар абароны. Дзякуючы гэтым абставінам Бэйнз заняў левы флянг абароны каманды. У гэтым сэзоне Лэйтан двойчы прызначаўся гульцом месяцу «Эвэртану» запар.

Бэйнз забіў свой першы за «Эвэртан» у браму «Портсмуту» 21 сакавіка 2009 году, на Фрэтан Парк. 30 жніўня 2009 году ён забіў на апошняй хвіліне з пэнальці ў пераможным матчы супраць сваёй былой каманды «Ўіган Атлетык». Празь месяц ён выйшаў на пляцоўку з капітанскай повязьзю ў матчы Лігі Эўропы супраць грэцкага АЕКу. У сэзоне 2010—2011 гадоў Бэйнз правёў кожную хвіліну за «Эвэртан» у матчах Прэм’ер-лігі^[6], а таксама забіў сем галоў ва ўсіх спаборніцтвах за клюб. Ягоны ўнёсак быў узнагароджаны прызам як лепшаму гульцу клюбу паводле вынікаў сэзону^[7].

Міжнародная кар’ера

Дэбют футбаліста ў афіцыйным матчы за зборную адбыўся 4 чэрвеня 2011 году ў матчы адборачнага турніру да чэмпіянату Эўропы 2012 года супраць зборнай Швайцарыі. Бэйнз быў адным з прэтэндэнтаў на ўдзел на чэмпіянаце сьвету 2010 году, аднак у выніковы склад не патрапіў.

Асабістае жыцьцё

Лэйтан мае траіх дзяцей разам са сваёй жонкай Рэйчэл^[8].