Малыя Сонтакі

Малы́я Со́нтакі^[1] — вёска ў Івейскім раёне Гарадзенскай вобласьці. Малыя Сонтакі ўваходзяць у склад Івейскага сельсавету.

Малыя Сонтакі лац. Małyja Sontaki
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	8 чал. (2010)
Часавы пас:	UTC+3
Тэлефонны код:
Паштовы індэкс:	231331
СААТА:	4229813082
Нумарны знак:	4
Геаграфічныя каардынаты:	53°54′26″ пн. ш. 25°36′12″ у. д.
Малыя Сонтакі на мапе Беларусі ± Малыя Сонтакі Малыя Сонтакі

Гісторыя

У XVI ст. вёска маёнтку Іўе Ашмянскага павету Віленскага ваяводзтва. У 1634 г. 8 дымоў, каля 5 валок зямлі, уладаньне Кішкаў.

У XIX — пачатку XX ст. у Івейскай воласьці Ашмянскага павету Віленскай губэрні. У 1861 г. 46 рэвіскіх душ, вёска маёнтку Багаполь памешчыка А.Брахоцкага. У 1897 г. 30 двароў, 230 жыхароў, у 1909 г. 31 двор, 194 жыхары, 155 дзесяцін зямлі.

У 1921 — 1939 гг. у Івейскай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. 25 двароў, 151 жыхар.

3 12.10.1940 г. вёска (30 двароў, 151 жыхар) у Морынскім сельсавеце Івейскага раёну. У 1952 г. арганізаваны калгас імя Г.М.Малянкова. Абслугоўваўся Ліпнішкаўскай МТС. У 1970 г. 82 жыхары. Потым у складзе калгаса «Прынеманскі».

18 красавіка 2017 году вёска перададзеная зь ліквідаванага Морынскага ў склад Івейскага сельсавету^[2].

Насельніцтва

• 2010 год — 8 чалавек
• 1999 год — 20 чалавек, 13 двароў