Пральня (Менская вобласьць)

Пра́льня^[2] — былая вёска ў Менскім раёне Менскай вобласьці, на дарозе Н8965. Пральня ўваходзіць у склад Шаршунскага сельсавету. Знаходхіцца на адлегласьці 16 км на паўночны захад ад Менску. Вёска месьціцца каля сажалкі на рацэ Удра (Удранка).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пральня.

Пральня
трансьліт. Praĺnia
Першыя згадкі:	1800
Краіна:	Беларусь
Вобласьць:	Менская
Раён:	Менскі
Сельсавет:	Шаршунскі
Насельніцтва
колькасьць:	1 чал. (2010)[1]
колькасьць двароў:	1
Часавы пас:	UTC+3
Тэлефонны код:	+375 17
Паштовы індэкс:	223047
СААТА:	6236858156
Нумарны знак:	5
Геаграфічныя каардынаты:	54°12′44″ пн. ш. 27°23′48″ у. д.
Пральня на мапе Беларусі ± Пральня Пральня

Гісторыя

У 1800 годзе была фальваркам, у якім жылі 12 сялян і 6 аколічнай шляхты, і які належаў М. Валадковічу. Уваходзіла ў Вялейскі павет. У 1897 годзе маёнтак Пральня, складаўся з 2 двароў, у якіх жылі 13 чалавек. Меў вадзяны млын. Уваходзіў у склад Радашкавіцкай воласьці Вялейскага павету. Зь лютага да сьнежня 1918 году вёска акупаваная войскамі кайзэраўскай Нямеччыны, зь ліпеня 1919 г. да ліпеня 1920 г. — войскамі Польскай Рэспублікі. У 1919 годзе ўключаная ў склад БССР. У 1921 годзе хутар, 3 двары, 22 жыхары. Ад 20 жніўня 1924 году вёска ў Шаршунскім сельсавеце Заслаўскага раёну Менскай акругі (да 26 ліпеня 1930 г.). У 1926 г. хутар, 3 гаспадаркі, 21 чалавек. Ад 20 лютага 1938 году ў Менскай вобласьці. У Другую сусьветную вайну з канца чэрвеня 1941 г. да пачатку ліпеня 1944 г. акупаваная нямецкімі войскамі. Ад 8 жніўня 1959 году ў Менскім раёне, з 20 студзеня 1960 году ў Рагаўскім сельсавеце. У 1997 годзе складалася з 2 гаспадарак, у якіх жылі 5 чалавек, у саўгасе «Савецкі» (цэнтар — в. Шаршуны).

Насельніцтва

• 1999 год — 3 жыхары
• 2010 год — 1 двор, 1 жыхар^[1]