Сарбэт

Сарбэт (ад пэрс. شربة‎‎ — закваска, трансьліт. шарбат) — ягадны замарожаны дэсэрт.

Ня варта блытаць з шарбэтам — ягадным ахалоджаным напоем.

Сарбэт
Тып	марозіва
Нацыянальная страва	іранская
Паходжаньне	Пэрсія
Асноўны складнік	сок
Распаўсюджаныя складнікі	цукар
Энэргетычная каштоўнасьць (у 100 г)	77 ккал (322 кДж)
Харчовая каштоўнасьць (у 100 г)	Тлушчы: 0,5 г Вугляводы: 13,5 г
Глікемічны індэкс	85 (высокі ГІ)
Падобныя стравы	фруктовы лёд[1]
Сарбэт у Вікісховішчы

У 1854 годзе Вінцэнта Завадзкая прыводзіла ў сваёй кнізе «Літоўская кухарка» 2 рэцэпты сарбэту: лімонны і малінавы^[2].

Прыгатаваньне

Напачатку для прыгатаваньня сарбэту ў рондаль кладуць 2 фунты цукру ў кавалках. Маліны расьціскаюць рукамі і праз сурвэтку выціскаюць шклянку густога соку. Затым сок уліваюць у цукар, якія перамешваюць у цеплыні да поўнага распушчэньня цукру. Атрыманую сумесь ставяць на агонь і гатуюць да сьцягваньня ў густое жэле. Пасьля рондаль здымаюць з агню і павольна перамешваюць атрыманае жэле ў адзін бок драўляным таўкачом. Пры гэтым здымаюць узьніклую пену. Перамешваньне працягваюць да атрыманьня чыстай і густой вадкасьці, якую пераліваюць у слоік і закрываюць да астываньня^[3].