Соўс

Со́ўс (падлі́ва, падлі́ўка; ад франц. sauce) — вадкая прыправа да асноўнай стравы і гарніру.

Соўс

Падкляса ад	смакавы дадатак
Частка ад	яда, страва
Прызначэньне	прыпраўленьне
Краіна паходжаньня	Францыя

Надае больш сакавітую кансыстэнцыю стравам і павялічвае іхную калярыйнасьць. Часта ўтрымлівае затаўкі й смакавыя рэчывы, якія дзейнічаюць узбуджальна на органы страваваньня. Яркая афарбоўка падлівы выгодна адцяняе колеры асноўных прадуктаў стравы. Падаецца да гатовых страваў і выкарыстоўваецца падчас іхнай падрыхтоўкі. Шматлікія прадукты смажаць у падліве ці запякаюць пад ёй. Посуд для захоўваньня падлівы завецца соўсьнік.

Шырока распаўсюджаныя віды: кетчуп, маянэз, соевая падліва, бэарнскі соўс, бэшамэль, ткэмалі, сацыбелі, сальса, рыбны соўс, часночны соўс, грыбны соўс, тартар, Тысяча астравоў

Слова соўс узыходзіць да лац. salsus — «пасолены» (пар. «сальса»)^[1]. Да эпохі антычнага Рыму адносіцца і адзін зь першых агульнавядомых соўсаў — гарум.