Стоневічы

Сто́невічы^[1] — вёска ў Івейскім раёне Гарадзенскай вобласьці. Да 2017 году ў складзе Морынскага сельсавету. Уваходзіць у склад Івейскага сельсавету^[2].

Стоневічы лац. Stonievičy
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	38 чал. (2009)
Часавы пас:	UTC+3
Тэлефонны код:
Паштовы індэкс:	231337
СААТА:	4229813125
Нумарны знак:	4
Геаграфічныя каардынаты:	53°55′29″ пн. ш. 25°49′58″ у. д.
Стоневічы на мапе Беларусі ± Стоневічы Стоневічы
Галерэя здымкаў у Вікісховішчы

Гісторыя

У XVII ст. маёнтак і вёска Стоневічы ў Ашмянскім павеце Віленскага ваяводзтва. У 1690 г. маёнтак належаў Ф. Длускаму, 1 дым. У 1735 г. адносіліся да Дудзкай парафіі.

У 2-й палове XIX ст. вёска ў Івейскай воласьці Ашмянскага павету Віленскай губэрні. У 1861 г. 34 рэвіскія душы, у складзе маентка Іўе графіні Замойскай. 3 сярэдзіны XIX ст. у Івейскім графстве. Паводле перапісу 1897 г., 19 двароў, 147 жыхароў. У 1905 г. у вёсцы 157 жыхароў, 164 дзесяціны зямлі, у фальварку Замойскіх 16 жыхароў, 117 дзесяцін зямлі.

У 1921 — 1939 гг. у Івейскай гміне Валожынскага, пасьля Лідзкага паветаў Наваградзкага ваяводзтва Польшчы. У 1921 г. у вёсцы 27 двароў, 138 жыхароў, у фальварку 2 двары, 30 жыхароў.

3 12.10.1940 г. вёска (21 двор, 173 жыхары) і хутар (9 двароў, 41 жыхар) у Старчаняцкім сельсавеце Івейскага раёну. 3 1952 г. у складзе калгаса «Ураджай». 3 1961 г. у Івейскім пасялковым, з 1962 г. сельскім Савеце і ў калгасе «Нёман». У 1970 г. 109 жыхароў. Потым вёска ў Морынскім сельсавеце і ў калгасе «Прынеманскі». 3 1986 г. у зоне радыяцыйнага кантролю.

Насельніцтва

• 2009 год — 38 чалавек^[3]
• 1999 год — 47 чалавек, 28 двароў

Інфармацыя для турыстаў

За 1 км на паўночны захад ад вёскі, ва ўрочышчы Хаваншчына 12 траўня 1942 году былі расстраляныя 2524 жыды з івейскага гета^[4]. У 1957 г. на магіле пастаўлена стэла.