Сэбастыян Джавінка

Сэбастыян Джавінка (па-італьянску: Sebastian Giovinco; нар. 26 студзеня 1987 году, Турын, Італія) — былы італьянскі футбаліст, атакуючы паўабаронца. Мае на сваім рахунку матчы ў складзе нацыянальнай зборнай Італіі. Нягледзячы на ​​свае ня самыя выбітныя фізычныя дадзеныя валодаў высокай хуткасьцю й хвацкім дрыблінгам.

Сэбастыян Джавінка
Пэрсанальная інфармацыя
Нарадзіўся	26 студзеня 1987(1987-01-26)[1][2] (38 гадоў) Турын, Італія
Рост	162 см[3]
Вага	61 кг[3]
Пазыцыя	нападнік, паўабаронца
Клюбы
Гады	Клюб	Гульні (галы)¹
2006—2015	Ювэнтус	92 (12)
2007—2008	→ Эмпалі	35 (6)
2010—2012	→ Парма	66 (22)
2015—2019	Таронта[d]	114 (68)
2019—2021	Аль-Гіляль	57 (12)
2022	Сампдорыя	2 (0)
Зборныя
2003	Італія (да 16)[d]	7 (4)
2003—2004	Італія (да 17)[d]	7 (1)
2005	Італія (да 18)[d]	4 (0)
2006	Італія (да 19)[d]	1 (1)
2006—2007	Італія (да 20)[d]	4 (0)
2007—2009	Італія (да 21)[d]	20 (1)
2011—2015	Італія	23 (1)

Кар’ера

«Ювэнтус»

У 14 гадоў ён далучыўся да моладзевай каманды «Ювэнтусу». У сэзоне 2005—2006 гадоў ён перамог у турніры сярод моладзевых камандаў. У асноўнай камандзе «Ювэнтуса» Сэбастыян дэбютаваў 12 траўня 2007 году ў матчы супраць «Балёньні» замяніўшы на полі Рафаэле Палядына, і адзначыўшы свой дэбют галявой перадачай на Давіда Трэзэге. Свой першы гол у Сэрыі А Джавінка правёў ужо ў складзе «Эмпалі», за які гуляў на правах арэнды, 30 верасьня 2007 году ў браму «Палерма».

«Парма»

5 жніўня 2010 году Сэбастыян перайшоў на правах арэнды ў «Парму» з магчымасьцю выкупу паловы правоў на гульца^[4][5]. 22 чэрвеня 2011 году прадстаўнікі «Пармы» заявілі аб тым, што клюб выкупіў 50% правоў на кантракт футбаліста^[6].

Вяртаньне ў «Ювэнтус»

21 чэрвеня 2012 году «Ювэнтус» абвесьціў, што ён выкупіў астатнія 50% правоў на Джавінка ў «Пармы» за 11 млн эўра, заключыўшы зь ім кантракт да 30 чэрвеня 2015 году^[7]. Аднак пасьля вяртаньня Сэбастыян гэтак і ня стаў гульцом асноўнага складу клюбу.

«Таронта»

19 студзеня 2015 году Джавінка падпісаў кантракт з клюбам «Таронта».

Міжнародная кар’ера

Сэбастыян прадстаўляў Італію на кожным узроўні моладзевых зборных ад юніёрскай і вышэй. У моладзёвую зборную Джавінка ўпершыню быў выкліканы на адборачны матч супраць зборнай Альбаніі. За нацыянальную зборную Італіі Сэбастыян дэбютаваў 9 лютага 2011 году ў матчы супраць зборнай Нямеччыны, якая скончылася зь лікам 1:1.

Дасягненьні

«Ювэнтус»:

• Чэмпіён Італіі: 2013, 2014
• Уладальнік Супэркубка Італіі: 2012, 2013

«Таронта»:

• Уладальнік Кубка МЛС: 2017
• Пераможца Сапортэрз Шылдс: 2017
• Чэмпіён Канады: 2016, 2017, 2018

«Аль-Гіляль»:

• Чэмпіён Саудаўскай Арабіі: 2020, 2021
• Уладальнік Кубка Саудаўскай Арабіі: 2020
• Пераможца Лігі чэмпіёнаў АФК: 2019