Труцень

Труцень (Друцень, Друтынь, Туртын) — мужчынскае імя і вытворнае ад яго прозьвішча.

Trutin
Паходжаньне
Мова(-ы)	германскія
Утворанае ад	Trut + суфікс з элемэнтам -н- (-n-)
Іншыя формы
Варыянт(ы)	Друцень, Друтынь, Туртын
Вытворныя формы	Тройдзень
Зьвязаныя артыкулы
якія пачынаюцца з «Труцень»

Паходжаньне

Асноўны артыкул: Імёны ліцьвінаў

Трудзін, Труцін або Тродэн (Thrudine, Trutin, Trudina, Trodden^[1]) — імя германскага паходжаньня^[2]. Іменная аснова -друд- (-трут-, -трот-) (імёны ліцьвінаў Гаўдрут, Гендрута, Кондрут; германскія імёны Gautrude, Genedrudis, Cundrud) паходзіць ад гоцкага і германскага þruþs 'мажнасьць, веліч'^[3].

У Прусіі бытавала імя Drutyn / Drutenne (1396 год)^[4].

Варыянты імя ў гістарычных крыніцах: Туртинъ Яновичъ (1528 год)^[5]; Матей Друтенович… Юри Друтенович (1537—1538 гады)^[6]; маетность въ земли Киевъской лежачую Труденевсчину… а надъ Тетеревъю Труденевъсчину… Труденевъсчина… Труденевсчина (2 траўня 1618 году)^[7]; Trudnow (1744 год)^[8]; Karolina Katarzyna Druteń (1812 год)^[9]; Justyna Drutyń (1830 год)^[10].

Носьбіты

• Туртын Янавіч — упіцкі баярын, які ўпамінаецца ў попісе войска Вялікага Княства Літоўскага 1528 году
• Пётар Станіслававіч Друценевіч — расенскі зямянін, які ўпамінаецца ў 1585 годзе^[11]
• Настасься Пятроўна Юр’еўна Друценевіч — расенская зямянка, якая ўпамінаецца ў 1593 годзе^[12]
• Міхаіл, Сямён і Юрка Труцені — жыхары вёскі Трутняў (каля Полацку), якія ўпамінаюцца ў 1680 годзе^[13]

У гістарычнай Прусіі існуе вёска Трутэнаў.