Эмір Спахіч

Эмір Спахіч (па-басьнійску: Emir Spahić; нар. 18 жніўня 1980 году, Дуброўнік, СФРЮ) — былы басьнійскі футбаліст, абаронца. Эмір зьяўляўся гульцом і капітанам нацыянальнай зборнай Босьніі і Герцагавіны.

Эмір Спахіч
Пэрсанальная інфармацыя
Нарадзіўся	18 жніўня 1980(1980-08-18)[1][2][3] (45 гадоў) Дуброўнік, Сацыялістычная рэспубліка Харватыі, СФРЮ[4]
Рост	186 см
Вага	77 кг
Пазыцыя	цэнтральны абаронца
Клюбы
Гады	Клюб	Гульні (галы)¹
1998—1999	Чэлік Зеніца	19 (1)
1999—2001	ГОШК[d]	22 (0)
2001—2004	Заграб	38 (2)
2004—2005	Шыньнік Яраслаўль	26 (6)
2005	Тарпэда Масква	15 (0)
2006—2009	Лякаматыў Масква	63 (3)
2009—2011	Манпэлье	57 (3)
2011—2013	Сэвільля	44 (1)
2013—2015	Баер Левэркузэн	49 (3)
2013	→ Анжы Махачкала	7 (1)
2015—2017	Гамбург	37 (0)
Зборныя
2000—2002	Босьнія і Герцагавіна (да 21)[d]	15 (0)
2003—2018	Босьнія і Герцагавіна	94 (6)

Кар’ера

Клюбная

Кар’еру пачаў на радзіме, потым гуляў за харвацкі клюб «Заграб». Паміж 2004 і 2006 гадамі гуляў у складзе камандаў расейскіх клюбаў «Шыньнік» і «Тарпэда». Сваёй гульнёй за апошнюю каманду прыцягнуў увагу прадстаўнікоў трэнэрскага штабу клюбу «Лякаматыў», да складу якога далучыўся ў 2006 годзе. У 2009 годзе заключыў кантракт з клюбам «Манпэлье», у складзе якога правёў наступныя два гады сваёй кар’еры. Пасьля гэтага гуляў за гішпанскі клюб «Сэвільля», а таксама некаторы час правёў у табары махачкалінскага «Анжы».

28 чэрвеня 2013 году Спахіч падпісаў кантракт на два гады з клюбам нямецкай Бундэсьлігі «Баер»^[5].

Міжнародная

У 2003 годзе дэбютаваў у афіцыйных матчах за нацыянальную зборную Босьніі і Герцагавіны.