Эсэк’ель Гарай

Эсэк’ель Марсэлё Гарай Гансалес (па-гішпанску: Ezequiel Marcelo Garay González; нар. 10 кастрычніка 1986 году, Расарыё, Аргентына) — былы аргентынскі футбаліст, абаронца. Гулец нацыянальнай зборнай Аргентыны. Алімпійскі чэмпіён 2008 году.

Хуткія факты Пэрсанальная інфармацыя, Клюбы ...

Эсэк’ель Гарай

Пэрсанальная інфармацыя
Нарадзіўся	10 кастрычніка 1986(1986-10-10)^[1]^[2]^[3] (38 гадоў) Расарыё, Санта-Фэ^[d], Аргентына
Рост	189 см
Вага	85 кг
Пазыцыя	скрайні абаронца
Клюбы
Гады	Клюб	Гульні (галы)¹
2004—2005	Ньюэлз Олд Бойз	14 (1)
2005—2008	Расінг Сантандэр	60 (12)
2008—2011	Рэал Мадрыд	31 (1)
2008—2009	→ Расінг Сантандэр	24 (2)
2011—2014	Бэнфіка	78 (9)
2014—2016	Зэніт	50 (3)
2016—2020	Валенсія	92 (6)
Зборныя
2007—2015	Аргентына	32 (0)
2008	Аргентына (да 23)^[d]	9 (0)

Клюбная

Футболам Эсэк’ель пачаў занімацца ў клюбе з роднага гораду Расарыё «Ньюэлз Олд Бойз», за які дэбютаваў у 18 гадоў у хатнім матчы супраць клюбу «Хімнасія і Эсгрыма».

У сьнежні 2005 году Гарай далучыўся да клюбу Ля Лігі «Расінгу», згуляўшы за каманду 7 поўных матчаў. Клюб з Кантабрыі ў той сэзон ледзь пазьбег вылету, заняўшы 17 месца. Наступны сэзон Гарай згуляў вельмі шыкоўна, то бок у 31 гульні ён забіў 9 галоў, столькі з абаронцаў з буйных эўрапейскіх лігаў забіў у той год толькі абаронца «Інтэру» Марка Матэраццы (9). У гульнях супраць «Рэалу» Гарай адзначыўся тройчы: у хатняй перамозе 2:1^[4] і пры гасьцявой паразе зь лікам 1:3. «Расінг» скончыў чэмпіянат на высокім для сябе 10 месцы.

18 траўня 2008 году «Рэал» выкупіў трансфэр аргентынца^[5], аднак даў дазвол адгуляць гульцу ў клюбе яшчэ адзін сэзон у арэндзе. Сума ўгоды склала каля 10 млн эўра. Зь лета 2009 году Эсэк’ель стаў выступаць за «Рэал». У першым сэзоне ён правёў у чэмпіянаце 20 матчаў і дапамог камандзе стаць віцэ-чэмпіёнам Гішпаніі, аднак з прыходам улетку 2010 году на трэнэрскі масток «сьметанковых» Жузэ Маўрыньню, Гарай страціў месца ў асноўным складзе.

5 ліпеня 2011 году гулец перайшоў у партугальскую «Бэнфіку» за 5,5 млн эўра, падпісаўшы кантракт на чатыры гады^[6]. Паводле дамовы ў адваротным кірунку адправіўся Фабію Куэнтран. У пачатку 2014 году рэгулярна хадзілі чуткі пра магчымы пераход Эсэк’еля ў склад піцерскага «Зэніту».

25 чэрвеня 2014 году расейскі клюб «Зэніт» падпісаў Гарая, выклаўшы за гульца 15 млн эўра, пры гэтым партугальскі клюб атрымаў толькі 6 млн эўра, то бок 40% ад сумы. Астатнюю частку сумы атрымаў мадрыдзкі «Рэал»^[7].

Міжнародная

Эсэк’ель выклікаўся ў склад моладзевай зборнай Аргентыны, ягонымі партнэрамі па той зборнай былі Сэрхіё Агуэра, Фэрнанда Гага, Ліянэль Мэсі й іншыя. Гарай дэбютаваў у складзе нацыянальнай зборнай Аргентыны 22 жніўня 2007 году ў таварыскім матчы супраць зборнай Нарвэгіі, дзе аргентынцы саступілі зь лікам 1:2.

Эсэк’ель Гарай

Кар’ера

Клюбная

Міжнародная

Дасягненьні

Крыніцы

Вонкавыя спасылкі

Wikiwand - on