Юнць

Юнць, Юнда — мужчынскае імя і вытворнае ад яго прозьвішча.

Jundt
Паходжаньне
Мова(-ы)	германскія
Іншыя формы
Варыянт(ы)	Юнда
Вытворныя формы	Унта
Зьвязаныя імёны	Юндзіла
Зьвязаныя артыкулы
якія пачынаюцца з «Юнць»

Паходжаньне

Асноўны артыкул: Імёны ліцьвінаў

Юнт (Jundt) — імя германскага паходжаньня^[1]. Іменная аснова юнд- (юнт-) паходзіць ад гоцкага junda 'маладосьць'^[2]. Сярод ліцьвінаў бытавала імя Юндзіла (Юндзель), адзначалася германскае імя Jundel (Juncila).

Этымалягічны слоўнік старапольскіх асабовых імёнаў, выдадзены Польскай акадэміяй навук, сьцьвярджае беларускае паходжаньне літоўскіх імёнаў Юнда (Junda) і Юндзіл (Jundził) — ад юны 'малады' з даданьнем суфікса -да, адкуль гэтыя імёны запазычалі ў летувіскую мову^[3].

Адзначалася гістарычнае бытаваньне ў Польшчы імёнаў Юнта / Юнда: Juntha / Iunda (1409 год), Juntha (1411 год), Iunta (1436 год), Iuntha (1444 год)^[4].

У Прусіі бытавалі імёны Jvnde / Junde (1299, 1389 і 1422 гады)^[5], Junder^[a] (1390 год)^[5]. У 1599 годзе ў Каралявецкім унівэрсытэце навучаўся Joannes Junterus, Risenburgensis Borussus^[7].

Варыянты імя ў гістарычных крыніцах: Juntiewa (1786—1788 гады)^[8][b].

Носьбіты

Юнды — літоўскі шляхецкі род^[11].

Юнда (Jundo) — прозьвішча, гістарычна зафіксаванае на тэрыторыі цяперашняй Летувы^[12].

Заўвагі

1. Адзначалася германскае імя Junther (Juntter, Jünter)^[6]
2. Таксама:

   • Юнтаўт: Juntowt (XV—XVI ст. паводле выпісу XIX ст.)^[9], Роман Юнтовтович (1538 год)^[10]