Канур

Канур (малаял.: കണ്ണൂർ) — горад на поўначы штата Керала ў Індыі. Насельніцтва — 56 823 (2011 г.).

Горад Канур കണ്ണൂർ Краіна  Індыя Каардынаты 11°52′02″ пн. ш. 75°22′08″ у. д.HGЯO Першая згадка I ст. Плошча 78 км² Вышыня цэнтра 2 м Афіцыйная мова малаялам Насельніцтва 56823 чалавекі Нацыянальны склад малаялі Канфесійны склад індуізм, іслам, хрысціянства Часавы пояс UTC+5:30 Тэлефонны код 0497 Паштовы індэкс 670001 Афіцыйны сайт kannurcorporation.lsgkerala.gov.in Канур на карце Індыі

Медыяфайлы на Вікісховішчы

Гісторыя

Першыя пасяленні на месцы горада з’явіліся ў неаліце. Дакладны час заснавання не вядомы. Эліністычным мараплаўцам ён быў вядомы як Нау́ра. Каля VI ст. стаў сталіцай княства Калатхунаду. У 1498 г. сюды прыбыла партугальская экспедыцыя на чале з Васка да Гама. У 1505 г. партугальцы заснавалі на поўнач ад горада крэпасць, захопленую ў 1663 г. галандцамі і ў 1790 г. — брытанцамі. Уладу ў горадзе захапіла мусульманская дынастыя, якая стварыла султанат Аракал. У 1792 г. Брытанская Ост-Індская кампанія канчаткова авалодала Канурам і ператварыла яго ў адзін з найбуйнейшых гандлёвых цэнтраў на поўдні Індыі.

Выхадцы з Канура ўдзельнічалі ў стварэнні Мусульманскай лігі і ў руху індыйскіх сацыялістаў. Падчас II сусветнай вайны горад і навакольныя тэрыторыі моцна пацярпелі ад эпідэміі халеры. У 1945—1946 гг. тут адбываліся актыўныя выступленні супраць брытанскіх уладаў. Пасля абвяшчэння незалежнасці Індыі горад стаў часткай штата Керала.

Эканоміка

Канур — важны транспартны цэнтр Кералы, дзе працуюць порт і аэрапорт. Прамысловасць прадстаўлена тэкстыльнымі і харчовымі прадпрыемствамі. Развіваецца турызм.

Спасылкі

• Афіцыйны гарадскі сайт
• Афіцыйны сайт раёна Канур