Іван Фёдаравіч Крук (вучоны)

У Вікіпедыі ёсць артыкулы пра іншых людзей з прозвішчам Крук.

Іван Фёдаравіч Крук (24 сакавіка 1909, Забалацце, цяпер Пухавіцкі раён — 16 снежня 1992) — беларускі вучоны ў галіне таваразнаўства харчовых прадуктаў. Доктар тэхнічных навук, прафесар (1971).

Іван Фёдаравіч Крук
укр.: Іван Фёдаравіч Крук
Дата нараджэння	24 сакавіка 1909(1909-03-24)
Месца нараджэння	Забалацце, Пярэжырская воласць, Ігуменскі павет, Мінская губерня, Расійская імперыя
Дата смерці	16 снежня 1992(1992-12-16) (83 гады)
Грамадзянства	Расійская імперыя  СССР  Беларусь
Род дзейнасці	навуковец, выкладчык універсітэта
Месца працы	Беларускі дзяржаўны інстытут народнай гаспадаркі імя В. У. Куйбышава
Навуковая ступень	доктар тэхнічных навук
Навуковае званне	прафесар
Альма-матар	Пярэжырская сярэдняя школа імя А.Е. Гурыновіча
Узнагароды

Біяграфія

Выпускнік Пярэжырскай сярэдняй школы. У 1932 годзе скончыў Беларускі таваразнаўчы інстытут. У 1944—1967 гадах працаваў у Беларускім інстытуце народнай гаспадаркі (з 1962 года загадчык кафедры).

Навуковая дзейнасць

Беларускі спецыяліст у галіне таваразнаўства харчовых прадуктаў. Аўтар шматлікіх навуковых прац па даследаванні таваразнаўчых, біяхімічных і тэхналагічных уласцівасцей збожжа і прадуктаў іх перапрацоўкі^[1].

Сярод апублікаванага:

• Товароведенне пищевых продуктов. — Мн, 1939;
• Исследование факторов, определяющих качество семян зернобобовых культур и продуктов их переработки [Текст] : Автореферат дис. на соискание ученой степени доктора технических наук. (377) / Моск. ин-т нар. хоз-ва им. Г. В. Плеханова. — Москва : [б. и.], 1970. — 42 с.;
• Вітаміны і іх захаванне ў харчовых прадуктах / І. Ф. Крук. — Мінск, 1946;
• Биохимия и товароведение семян зернобобовых культур и продуктов их переработки — Мн.: Изд-во М-ва высш., сред. спец. и проф. образования БССР, 1961. — 275 с.

Зноскі

1. Знаменитые выпускники Архівавана 6 жніўня 2019.