Ілья Фёдаравіч Калпачук

Ілья Калпачук (нар. 9 кастрычніка 1990, Бяроза) — беларускі футбаліст, абаронца брэсцкага «Дынама».

Ілья Калпачук
Поўнае імя	Ілья Фёдаравіч Калпачук
Нарадзіўся	9 кастрычніка 1990(1990-10-09)[1] (34 гады) Бяроза, Бярозаўскі раён, Брэсцкая вобласць, Беларуская ССР, СССР
Грамадзянства	Беларусь
Рост	184 см
Вага	75 кг[2]
Пазіцыя	абаронца
Інфармацыя пра клуб
Клуб	Дынама (Брэст)
Нумар	59
Клубная кар’ера[* 1]
2007 Дынама (Мінск) 0 (0) 2010—2011 Дынама (Брэст) 5 (0) 2012—2013 Хваля (Пінск) 52 (4) 2014 Гомель 0 (0) 2014 →  Граніт (Мікашэвічы) 26 (1) 2015—2017 Гарадзея 30 (0) 2017 Атлантас (Клайпеда) 13 (1) 2018 Каўна Жальгірыс 10 (1) 2019—2020 Рух (Брэст) 42 (2) 2021 Жэтысу (Талдыкарган) 12 (0) 2022— Дынама (Брэст) 43 (2)
Нацыянальная зборная[* 2]
2006 Беларусь (да 17) 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 лютага 2024. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец бярозаўскай ДЮСШ, пачынаў кар’еру ў складзе дубля мінскага «Дынама». З 2010 года выступаў за брэсцкае «Дынама», гуляў пераважна за дубль, у Вышэйшай лізе правёў 5 матчаў. У 2012 стаў іграком пінскай «Хвалі». Здолеў замацавацца ў асноўным складзе пінчукоў, за два гады згуляў у 52 матчах, забіў 4 галы. У сезоне 2013 быў капітанам пінскай каманды.

У снежні 2013 года перайшоў у «Гомель»^[3]. Аднак не здолеў замацавацца ў гомельскім клубе і ў сакавіку 2014 года на правах арэнды перайшоў у мікашэвіцкі «Граніт». У якасці іграка асновы дапамог «Граніту» перамагчы ў Першай лізе. Па заканчэнні тэрміну арэнды ў снежні 2014 года вярнуўся ў «Гомель»^[4].

У лютым 2015 года, пакінуўшы «Гомель», перайшоў у «Гарадзею»^[5]. У снежні 2015 года падоўжыў кантракт з «Гарадзеяй» на наступны сезон^[6], але на полі ў сезоне 2016 з’яўляўся рэдка.

У першай палове сезона 2017 не з’яўляўся на полі ў асноўнай камандзе «Гарадзеі», выступаў толькі за дубль. У ліпені 2017 года перайшоў у літоўскі клуб «Атлантас» з Клайпеды^[7], пакінуў яго па заканчэнні сезона 2017.

У першай палове 2018 года не гуляў, аднаўляючыся ад траўмы. У жніўні 2018 года далучыўся да іншага літоўскага клуба — «Каўна Жальгірыса».

У снежні 2018 года вярнуўся ў Беларусь, стаўшы іграком брэсцкага «Руха»^[8]. Замацаваўся ў стартавым складзе каманды, дапамог ёй выйсці ў Вышэйшую лігу. У першай палове 2020 года заставаўся іграком асновы, са жніўня стаў радзей з’яўляцца на полі. У студзені 2021 года пакінуў «Рух»^[9].

У лютым 2021 года падпісаў кантракт з казахстанскім клубам «Жэтысу»^[10]. У студзені 2022 года пачаў трэніравацца з брэсцкім «Дынама» і ў лютым афіцыйна папоўніў склад клуба^[11]. У сезоне 2022 гуляў пераважна ў стартавым складзе дынамаўцаў. У студзені 2023 года падоўжыў пагадненне з брэсцкім клубам^[12]. У студзені 2024 года падпісаў новы кантракт з «Дынама»^[13].

Дасягненні

• Пераможца Першай лігі чэмпіянату Беларусі: 2014

Статыстыка выступленняў

Сезон	Дывізіён	Клуб	Краіна	Матчы	Галы
2007	дубль	Дынама (Мінск)		10	0
2010	Д1	Дынама (Брэст)		3	0
2011	Д1	Дынама (Брэст)		2	0
2012	Д2	Хваля		24	3
2013	Д2	Хваля		28	1
2014	Д2	Граніт		26	1
2015	Д2	Гарадзея		24	0
2016	Д1	Гарадзея		6	0
2017 (1)	дубль	Гарадзея		8	0
2017 (2)	Д1	Атлантас		13	1
2018 (2)	Д1	Каўна Жальгірыс		10	1
2019	Д2	Рух		22	1
2020	Д1	Рух		20	1
2021	Д1	Жэтысу		12	0
2022	Д1	Дынама (Брэст)		20	1
2023	Д1	Дынама (Брэст)		23	1

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[14].