Ірэн Жакоб

Ірэ́н Мары́ Жако́б (фр.: Irène Marie Jacob; нар. 15 ліпеня 1966, Парыж) — французска-швейцарская актрыса .

Ірэн Жакоб
фр.: Irène Jacob
Дата нараджэння	15 ліпеня 1966(1966-07-15)[1][2][…] (59 гадоў)
Месца нараджэння	Сюрэн, Францыя[3]
Грамадзянства	Францыя  Швейцарыя
Бацька	Maurice Jacob[d][4]
Муж	Jérôme Kircher[d][5]
Дзеці	Paul Kircher[d] і Samuel Kircher[d]
Прафесія	тэатральная актрыса, кінаактрыса
Узнагароды	прыз Канскага кінафестывалю за найлепшую жаночую ролю[d] (1991)
IMDb	ID 0001393
irenejacob.net
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Жакоб.

Біяграфія

Ірэн Мары Жакоб нарадзілася ў Парыжы і была чацвёртым дзіцём у сям’і. Яе бацька — фізік, маці — псіхолаг. Калі Ірэн было тры гады, сям’я пераехала ў Жэневу, Швейцарыя. Ірэн вучылася іграць на фартэпіяна і скрыпцы, наведвала школу пры Жэнеўскай кансерваторыі^[en]. У 1984 годзе вярнулася ў Парыж і паступіла ў Вышэйшую нацыянальную школу тэатральнага мастацтва^[fr].

Актрыса дэбютавала ў кіно ў 1987 годзе з эпізадычнай роляй у фільме Луі Маля «Бывайце, дзеці». Гэтае першае з’яўленне Жакоб на экране прыцягнула ўвагу польскага кінарэжысёра Кшыштафа Кеслёўскага, які запрасіў яе на галоўную ролю ў карціне «Падвойнае жыццё Веранікі» (1991). Карціна была адзначана трыма ўзнагародамі Канскага кінафестывалю, сярод якіх Прыз за найлепшую жаночую ролю^[en]. Трыма гадамі пазней Ірэн Жакоб зноў зыграла галоўную ролю ў карціне Кеслёўскага — трэцяй частцы трылогіі «Тры колеры» карціне «Тры колеры: Чырвоны» (1994).

У сярэдзіне 1990-х гадоў Ірэн Жакоб здымалася ў розных еўрапейскіх рэжысёраў — Олівера Паркера^[en] («Атэла^[en]»), Надзін Трэнціньян^[en] (Уцякачкі^[fr]), Мікеланджэла Антаніоні («За аблокамі^[en]»). На працягу наступных гадоў Жакоб зыграла ў некалькіх амерыканскіх фільмах, у тым ліку з Томі Лі Джонсам у стужцы «Служыцелі закону^[en]».

З 2000 года паралельна з працай у кіно актрыса аднавіла сваю тэатральную кар’еру. Ірэн Жакоб вярнулася на сцэну з галоўнай роляй у спектаклі «Мадам Мельвіль» (Лондан, 2000—2001), дзе яе партнёрам быў Макалей Калкін. Сярод яе яркіх роляў у тэатры — Ніна Зарэчная ў чэхаўскай «Чайцы» (2002) і Жанна д’Арк у драматычнай араторыі «Жанна д’Арк на вогнішчы» (2003).

Зноскі

1. Irène Jacob // filmportal.de — 2005. Праверана 9 кастрычніка 2017.

   <a href='https://wikidata.org/wiki/Track:Q15706812'></a>
2. Irène Jacob // Roglo — 1997. — 10000000 экз.

   <a href='https://wikidata.org/wiki/Track:Q83365652'></a>
3. Deutsche Nationalbibliothek Record #124112625 // Агульны нарматыўны кантроль — 2012—2016. Праверана 12 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. Saint-Pierre D. Dictionnaire historique des Académiciens de Lyon: 1700-2016 — Lyon: Académie des sciences, belles-lettres et arts de Lyon, 2017. — P. 1369. — ISBN 978-2-9559433-0-4

   <a href='https://wikidata.org/wiki/Track:Q3035447'></a><a href='https://wikidata.org/wiki/Track:Q730513'></a><a href='https://wikidata.org/wiki/Track:Q100708549'></a><a href='https://wikidata.org/wiki/Track:Q456'></a>
5. https://www.parismatch.com/Vivre/Voyage/Vacances-arty-chez-Agnes-et-Rosalie-Varda-792834