Бывайце, дзеці

«Быва́йце, дзе́ці» (фр.: Au revoir les enfants) — аўтабіяграфічная драма Луі Маля, пастаўленая ў 1987 годзе^[7].

Бывайце, дзеці
фр.: Au revoir les enfants
Жанры	драматычны фільм[1], гісторыя сталення і ваенны фільм[d]
Рэжысёр	Луі Маль[1][2][…]
Прадзюсар	Луі Маль[3]
Сцэнарыст	Луі Маль[3]
У галоўных ролях	Gaspard Manesse[d][2][4][…] Raphaël Fejtö[d][3] François Berléand[d][4] Філіп Мар’е-Жэну[d][4][3] Francine Racette[d][2][4][…] Arnaud Henriet[d][4] François Négret[d][4][3] Ірэн Жакоб[4] Jacqueline Staup[d][4] Stanislas Carré de Malberg[d][2][4] Xavier Legrand[d][4] Peter Fitz[d][5][3]
Аператар	Renato Berta[d][3]
Кампазітар	Франц Шуберт
Працягласць	105 хв.
Краіны	Францыя[3]  Італія  Германія
Мовы	французская і нямецкая
Год	ліпень 1987[6]
IMDb	ID 0092593

Прэм’ера карціны адбылася 31 жніўня 1987 года^[8] ў межах конкурснай праграмы 44-га Венецыянскага кінафестывалю, дзе фільм быў удастоены галоўнай узнагароды — Залатога венецыянскага льва^[9].

Сюжэт

Другая сусветная вайна, Францыя акупавана нацыстамі. Напярэдадні Божага нараджэння 1943 года падлетак Жульен Кантэн накіроўваецца з Парыжа ў каталіцкі каледж. Неўзабаве ў гэты каледж прыбываюць яшчэ тры хлопчыкі, адзін з якіх, Жан Банэ, становіцца сябрам Жульена. Аднаго разу Жульен даведваецца сакрэт Жана: той з’яўляецца габрэем і хаваецца ў каледжы пад чужым імем. Паступова Жульен пачынае разумець, што такое антысемітызм, і тое, што святары хаваюць дзяцей, якія знаходзяцца ў небяспецы. Калі гестапа па чыёйсьці наводцы выяўляе ўчынак настаяцеля і яго разам з габрэйскімі дзецьмі вязуць на смерць, гэта становіцца для Жульена страшным ударам на ўсё жыццё.

Акцёрскі склад

Гаспар Манес	–   Жульен
Рафаэль Фейто	–   Жан Банэ
Франсін Расэт	–   маці Жульена
Станіслас Карэ дэ Мальбер	–   Франсуа
Філіп Мар’е-Жэну	–   айцец Жан
Франсуа Берлеан	–   айцец Мішэль
Франсуа Негрэ	–   Жазэф
Петэр Фіц	–   Мюлер
Ірэн Жакоб (кінадэбют)	–   мадэмуазэль Давенье

Крытыка

Вядомы амерыканскі кінакрытык Роджэр Эберт адзначыў фільм чатырма зоркамі з чатырох магчымых і занёс у свой спіс «Выдатных фільмаў»^[10]. Карціна ўвайшла ў Ватыканскі спіс фільмаў.