Адам Сямёнавіч Шуканаў

У Вікіпедыі ёсць артыкулы пра іншых людзей з прозвішчам Шуканаў.

Адам Сямёнавіч Шука́наў^[1] (20 чэрвеня 1929 — 21 кастрычніка 2018^[2]) — савецкі і беларускі мікрабіёлаг, вучоны ў галіне мікалогіі, фітапаталогіі і раслінаводства^[3], кандыдат біялагічных навук (1967), прафесар (1990), Заслужаны работнік вышэйшай школы БССР (1982).

Адам Сямёнавіч Шуканаў
Дата нараджэння	20 чэрвеня 1929(1929-06-20)
Месца нараджэння	Чэмернае, Лельчыцкі сельсавет, Лельчыцкі раён, Мазырская акруга, Беларуская ССР, СССР
Дата смерці	21 кастрычніка 2018(2018-10-21) (89 гадоў)
Грамадзянства	СССР  Беларусь
Род дзейнасці	навуковец
Навуковая сфера	мікрабіялогія, фітапаталогія, раслінаводства
Месца працы	біялагічны факультэт БДУ
Навуковая ступень	кандыдат біялагічных навук
Навуковае званне	прафесар
Альма-матар	біялагічны факультэт БДУ (1962)
Навуковы кіраўнік	М. А. Дарожкін
Узнагароды

Біяграфія

Нарадзіўся ў вёсцы Чэмернае Лельчыцкага раёна Мазырскай акругі БССР (зараз у Лельчыцкім раёне Гомельскай вобласці Беларусі). У 1962 годзе скончыў біялагічны факультэт Беларускага дзяржаўнага ўніверсітэта і паступіў у аспірантуру пры кафедры сістэматыкі раслін. Яго навуковым кіраўніком быў М. А. Дарожкін^[4]. Выкладчыцкую дзейнасць А. С. Шуканаў пачаў у час вучобы ў аспірантуры — праводзіў палявыя практыкі і лабараторныя заняткі^[4]. З 1965 г. на пасадах асістэнта, старэйшага выкладчыка, дацэнта кафедры. У 1971—1996 гг. загадчык кафедрай сістэматыкі раслін (кафедра батанікі) і адначасова ў 1980—1996 гг. — дэкан біялагічнага факультэта.

У 2007 годзе А. С. Шуканаў выйшаў на пенсію^[4].

Навуковая і грамадская дзейнасць

А. С. Шуканаву належаць навуковы працы па фітапаталогіі сельскагаспадарчых раслін, біяэкалогіі і відавой разнастайнасці грыбоў, асаблівасцях узаемадзеяння патагенных грыбоў і расліны-гаспадара на фізіёлага-біялагічным узроўні і інш. Аўтар больш за 250 апублікаваных прац, у т. л. артыкулаў, навуковых аглядаў, даведнікаў, больш за 30 навукова-метадычных і распрацовак, сааўтар 3-х вучэбных дапаможнікаў^[4]. Сярод апублікаванага:

• Инфекционные болезни сахарной свеклы и меры борьбы с ними. — Мн.: Ураджай, 1973. — 47 с.;
• Вредители и болезни сахарной свеклы и меры борьбы с ними. — Мн.: Ураджай, 1980. — 54 с. (у сааўтарстве);
• Малый практикум по низшим растениям. — Мн.: Университетское, 1994. — 288 с. (у сааўтарстве).

У розныя гады А. С. Шуканаў быў членам рэдакцыйных саветаў часопіса «Вестник БГУ» (серыя 2) і зборніка «Ботаника», членам спецыялізаваных навуковых саветаў па абароне дысертацый Інстытута эксперыментальнай батанікі Нацыянальнай акадэміі навук Беларусі і Беларускага НДІ бульбаводства і агародніцтва, рэдакцыйнай калегіі «Чырвонай кнігі Беларускай ССР» (1981), «Чырвонай кнігі Рэспублікі Беларусь» (1993)^[4]. Доўгі час з’яўляўся членам Прэзідыума Беларускага рэспубліканскага батанічнага таварыства і намеснікам старшыні секцыі мікалогіі^[4].

Узнагароды і званні

• Медаль «Ветэран працы»;
• Медаль «У адзначэнне 100-годдзя з дня нараджэння Уладзіміра Ільіча Леніна»;
• Ганаровая грамата Вярхоўнага Савета БССР (1971):
• Ганаровая грамата Міністэрства адукацыі БССР (1987):
• Заслужаны работнік вышэйшай школы БССР (1982);
• Нагрудны знак «Выдатнік асветы Рэспублікі Беларусь» (1999)^[4].
• Прэмія прэзідэнтаў акадэмій навук Украіны, Беларусі і Малдовы 1996 г.за працу "Функцыянальная роля эндагенных стэроідных гліказідаў у фітапатасістэмах «культурныя расліны — фітапатагенныя грыбы» (разам з А. П. Валынцом, А. Л. Пшанічным)^[5].

Зноскі

1. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
2. Умер Адам Семёнович Шуканов(недаступная спасылка) (руск.) // Сайт біялагічнага факультэта БДУ
3. Шуканов Адам Семёнович (руск.) // Нацыянальная бібліятэка Беларусі
4. Шуканов Адам Семёнович Архівавана 5 лістапада 2019. (руск.) // Сайт біялагічнага факультэта БДУ
5. Лаўрэаты 1996 года прэміі прэзідэнтаў акадэмій навук Украіны, Беларусі і Малдовы // Сайт НАН Беларусі