Алег Арсеневіч Вараб’ёў

Алег Арсеневіч Вараб’ёў (1 красавіка 1947, Кракаў — 24 лістапада 2021) — беларускі архітэктар. Заслужаны архітэктар Беларусі (2003).

Алег Арсеневіч Вараб’ёў
Дата нараджэння	1 красавіка 1947(1947-04-01)
Месца нараджэння	Кракаў, Кракаўскае ваяводства, Польская Народная Рэспубліка
Дата смерці	24 лістапада 2021(2021-11-24) (74 гады)
Месца пахавання	Усходнія могілкі
Грамадзянства	Беларусь
Альма-матар	БПІ (1971)
Месца працы	Мінскграмадзянпраект Мінскпраект
Член у	Саюз архітэктараў СССР Беларускі саюз архітэктараў
Узнагароды

У Вікіпедыі ёсць артыкулы пра іншых людзей з прозвішчам Вараб’ёў.

Біяграфія

Скончыў у 1971 годзе Беларускі політэхнічны інстытут. Працаваў у «Мінскграмадзянпраекце», з 1979 года — кіраўнік групы архітэктараў, у 1985^[1]—1999^[2] гадах — галоўны архітэктар праектаў у «Мінскпраекце». З 1991 года кіраўнік персанальнай творчай майстэрні^[2].

Член Саюза архітэктараў СССР з 1976 года. Жыў у Мінску^[1].

Памёр 24 лістапада 2021 года. Адпяванне і развітанне адбылося 27 лістапада ў храме ў гонар прападобнамучаніцы Вялікай княгіні Лізаветы Свята-Лізавецінскага жаночага манастыра. Пахаваны на Усходніх могілках^[3].

Творчасць

Інжынерны корпус ВА «Беларуськалій»

Будынак «Беларусбанка» ў Маладзечне

Галаўны офіс Знешгандальбанка СССР

Праспект Машэрава ў Мінску і будынак Беларускай калійнай кампаніі (справа)

Асноўныя працы: навучальны камбінат Дзяржкамнафтапрадуктаў і АСК Белнафтазаба^[1]; дзіцячы комплекс^[d] (1981), 21-павярховы інжынерны корпус ВА^[d] «Беларуськалій» у Салігорску (1984); у Мінску: навучальна-аздараўленчы комплекс Белдзяржуніверсітэта па вул. Кастрычніцкай, фірменны салон-крама па прасп. Газеты «Праўда» (1986)^[1], будынак Знешгандальбанка СССР па вул. Заслаўскай (1987), гасцініца «Арбіта» (1989—1991), магазін «Кірмаш» па пр. Дзяржынскага (1990), Міжнародны адукацыйны цэнтр па пр. газеты «Праўда» (1994, у суаўтарстве), бізнес-цэнтр па вул. Гікала (2001), банк «Масква-Мінск» па вул. Камуністычнай (2003), рэканструкцыя і рэстаўрацыя помнікаў архітэктуры XIX ст. па вул. Герцэна і Замкавай (2000); будынкі філіялаў «Прыёрбанка» ў Лідзе (2002) і «Беларусбанка» ў Маладзечне (2003), будынкі Беларускай калійнай кампаніі ў Мінску (2008)^[2].

Узнагароды

Узнагароджаны дыпломам і медалём Усесаюзнага агляду дасягненняў савецкай архітэктуры (1988). Заслужаны архітэктар Беларусі (2003).

Зноскі

1. Воробьев Олег Арсеньевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Воробьев Олег Арсеньевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
3. Информация по прощанию и похоронам Воробьева Олега Арсеньевича