Алена Уладзіміраўна Стальбоўская

Алена Уладзіміраўна Стальбоўская (нар. 21 чэрвеня 1977, Камянец) — беларуская юрыстка і дэпутатка.

Алена Уладзіміраўна Стальбоўская
Нараджэнне	21 чэрвеня 1977(1977-06-21) (48 гадоў) Каменец, Камянецкі раён, Брэсцкая вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Стальбоўская.

Біяграфія

Нарадзілася 21 чэрвеня 1977 года ў горадзе Камянец Брэсцкай вобласці^[1].

Скончыла Гродзенскі дзяржаўны ўніверсітэт імя Янкі Купалы, Інстытут павышэння кваліфікацыі і перападрыхтоўкі кадраў гэтага ж універсітэта, а таксама яго магістратуру^[1].

Працавала начальніцай аддзела кадраў, юрысконсультам гандлёвага прадпрыемства «Веча-Святлотэхніка»; юрысконсультам прадпрыемства «Свідравіна»; галоўным юрысконсультам «Гроднааптгандаль»; юрысконсультам прадпрыемства «Квінфуд»; вядучай спецыялісткай, вядучым юрысконсультам Галоўнага філіяла па Гродзенскай вобласці «Белінвестбанка»; вядучым юрысконсультам, галоўным юрысконсультам юрыдычнага дэпартамента «Белінвестбанка»; начальніцай аддзела, галоўным юрысконсультам, намесніцай начальніка філіяла — начальніцай аддзела філіяла Банка развіцця Рэспублікі Беларусь у г. Гродне^[1].

Дэлегатка VII Усебеларускага народнага сходу^[1].

Начальніца філіяла ААТ «Банк развіцця Рэспублікі Беларусь» у горадзе Гродне^[1].

Член грамадскага аб’яднання «Беларускі саюз жанчын»^[1].

Выбрана ў 2024 годзе членам Савета Рэспублікі Нацыянальнага сходу Беларусі 8-га склікання ад Гродзенскай вобласці (вылучана ад Свіслацкага, Бераставіцкага і Гродзенскага раёнаў)^[1]. Член Пастаяннай камісіі Савета Рэспублікі па эканоміцы, бюджэце і фінансах^[1].

Узнагароды

Узнагароджана ганаровай граматай Банка развіцця Рэспублікі Беларусь і падзякай старшыні праўлення банка^[1].

Па выніках 2023 года прысвоена ганаровае званне «Чалавек года Гродзеншчыны»^[1].