Альбенаўскае

Альбе́наўскае — возера ў Браслаўскім раёне Віцебскай вобласці ў басейне ракі Дрысвята, за 25 км на у напрамку на паўднёвы захад ад горада Браслаў, каля вёскі Тоўшчына. Знаходзіцца на тэрыторыі Нацыянальнага парку «Браслаўскія азёры».

Альбенаўскае
Морфаметрыя
Вышыня над узроўнем мора	135,5 м
Даўжыня	1,48 км
Шырыня	0,45 км
Плошча	0,49 км²
Аб’ём	0,00331 км³
Даўжыня берагавой лініі	3,7 км
Найбольшая глыбіня	13 м
Сярэдняя глыбіня	6,8 м
Гідралогія
Салёнасць	да 0,1 ‰
Празрыстасць	2 м
Басейн
Плошча вадазбору	1,25 км²
Упадаюць	ручай
Выцякаюць	пратока
Размяшчэнне
Краіна	Беларусь
Рэгіён	Віцебская вобласць
Альбенаўскае
Альбенаўскае

Плошча паверхні возера 0,49 км². Даўжыня 1,48 км, найбольшая шырыня 0,45 км. Даўжыня берагавой лініі 3,7 км. Найбольшая глыбіня возера 13 м, сярэдняя 6,8 м. Аб'ём вады 3,31 млн. м³. Плошча вадазбору 1,25 км².
Катлавіна возера лагчыннага тыпу, выцягнутая з паўночнага захаду на паўднёвы ўсход. Схілы катлавіны вышынёй ад 5—7 да 11 метраў, месцамі стромкія. Берагавая лінія слабазвілістая. Літаральная зона вузкая. Дно возера да глыбіні 6—7 м пясчанае, на большых глыбінях выслана крэменязёмістым сапрапелем. Возера слабапраточнае. Упадае ручай, выцякае пратока ў Богінскае возера. Зарастае слаба (да глыбіні 1 м — аер, трыснёг, хвошч, да глыбіні 3 м — рдзесты).

У возеры водзяцца шчупак звычайны, лешч, акунь, плотка і інш.

Літаратура

• Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 16, 48. — 72 с. — 10 000 экз. — ISBN 978-985-508-136-5. (руск.)

Спасылкі

• Альбенаўскае возера Архівавана 25 верасня 2013.