Альберт Аляксандравіч Шульц
інжынер шляхоў зносін, дзяржаўны служачы (1835—1902) From Wikipedia, the free encyclopedia
Remove ads
Альберт Аляксандравіч Шульц (польск.: Albert Szulc; 1835[1] — 8 верасня 1902[2], маёнтак Альхова, Цітвянская воласць, Ігуменскі павет, Мінская губерня) — інжынер шляхоў зносін на Беларусі за часамі Расійскай імперыі, дзяржаўны служачы, правадзейны стацкі саветнік (1893).
Remove ads
Біяграфія
Верагодна, паходзіць з Гродні[3], рыма-каталік. Меў брата Антона, таксама служачага пры Міністэрстве шляхоў зносін, правадзейнага стацкага саветніка з 1893 года[4].
Выпускнік Санкт-Пецярбургскага інстытута шляхоў зносін, на службе пры Міністэрстве шляхоў зносін з 1856 года[4]. На 1869 год старшыня 5-га аддзялення Ведамства праўлення 9-й акругі шляхоў зносін у мястэчку Целяханы, надворны саветнік[5].
З 1871 года член супрацоўнік Рускага геаграфічнага таварыства[6]. Аўтар выдання праекта паляпшэння Агінскай воднай сістэмы ў 1872 годзе[1]. На 1873 год калежскі сакратар Альберт Шульц быў правадзейным членам Мінскага губернскага статыстычнага камітэта[7].
Памёр у маёнтку Альхова Ігуменскага павета[2], пахаваны на могілках ва Узлянах.
Remove ads
Сям’я
Меў дачку Марыю-Людвіку Альбертаўну Шульц, якая пабралася шлюбам з Аляксандрам-Марцінам Дыякевічам (сынам Мацея Дыякевіча, уласнікам маёнтка Альхова на 1903 год[8])[9].
Узнагароды
Кавалер ордэна Святога Станіслава 3-й ступені[5].
Бібліяграфія
- Шульцъ, Альбертъ Александровичъ. Проэктъ улучшенія Огинской водной системы. — Отд. оттиск: Журн. М-ва путей сообщ., 1872. — 53 с., 1 карт. с.
Крыніцы
Літаратура
Wikiwand - on
Seamless Wikipedia browsing. On steroids.
Remove ads