Аляксандр Іванавіч Колышкін

Алякса́ндр Іва́навіч Ко́лышкін (19 сакавіка (1 красавіка) 1907, в. Слабцова, Зубцоўскі павет Цвярская губерня — невядома) — савецкі партыйны дзеяч, першы сакратар Мінскага абласнога камітэта КП(б)Б у 1941 годзе.

Аляксандр Іванавіч Колышкін
Першы сакратар Мінскага абласнога камітэта КП Беларусі сакавік 1941 — лістапад 1941
Папярэднік	Аляксандр Паўлавіч Мацвееў
Пераемнік	Васіль Іванавіч Казлоў
Нараджэнне	19 сакавіка (1 красавіка) 1907 Слабцова[d], Зубцоўскі павет[d], Цвярская губерня, Расійская імперыя
Смерць	невядома
Партыя	УКП(б)
Адукацыя	Ленінградскі індустрыяльны інстытут (1936) Вышэйшая партыйная школа пры ЦК УКП(б) (1939)

Біяграфія

Скончыў Ленінградскі індустрыяльны інстытут (1936), Вышэйшую школу партарганізатараў пры УКП(б) (1939).

З 1917 года працаваў на сельгаспрадпрыемствах Маскоўскай губерні. У 1936—1937 гадах інжынер-канструктар, начальнік механазборачнага ўчастка турбіннага цэха Ленінградскага машынабудаўнічага завода імя С. М. Кірава. З лістапада 1937 года памочнік сакратара, з 1938 года 2-гі сакратар Кіраўскага (Ленінград) райкама УКП(б). З 1939 года адказны арганізатар пры Упраўленні кадраў ЦК УКП(б). З 1940 года сакратар па кадрах, а з сакавіка 1941 года — 1-ы сакратар Мінскага абкама і гаркама КП(б)Б. З лістапада 1941 года сакратар Чалябінскага абкама УКП(б) па авіяцыйнай прамысловасці. У верасні 1944 года адкліканы ў апарат ЦК КП(б) Беларусі. Далейшы лёс невядомы.

Спасылкі

• Накануне. Сборник документов ЗапОВО (39-41гг.) — Биографические справки и Именной указатель Архівавана 23 верасня 2020. (руск.)
• Колышкин Александр Иванович. Энциклопедия Челябинской области (руск.)