Аляксандр Паўлавіч Мацвееў

Алякса́ндр Па́ўлавіч Мацве́еў (26 снежня 1905 — 1 жніўня 1946) — савецкі партыйны і дзяржаўны дзеяч, арганізатар партызанскага руху ў гады Вялікай Айчыннай вайны, старшы маёр дзяржаўнай бяспекі (29.03.1941).

Аляксандр Паўлавіч Мацвееў
Народны камісар унутраных спраў БССР 26 лютага 1941 — 16 студзеня 1942
Папярэднік	Лаўрэнцій Цанава
Пераемнік	Сяргей Бельчанка
Нараджэнне	26 снежня 1905(1905-12-26)[1] Масква, Маскоўская губерня, Расійская імперыя
Смерць	1 жніўня 1946(1946-08-01)[1] (40 гадоў) Бранск, Бранская вобласць, РСФСР, СССР
Партыя	ВКП(б)
Месца працы	НКУС БССР
Ваенная служба
Прыналежнасць	СССР
Званне
Узнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Мацвееў.

Біяграфія

Нарадзіўся ў Маскве (па іншых дадзеных на Волзе, сын бурлака). Рускі. Член ВКП(б) з 09.1925.

Адукацыя:

• 4-класная пачатковая школа, Цвер 1916;
• губернская савецка-партыйная школа, Цвер 04.1924–05.1925;
• Ваенна-паветраная Акадэмія РСЧА ім. Жукоўскага, Масква 01.1933–03.1934.

З лютага 1916 па ліпень 1926 вучань-наборшчык і наборшчык друкарні ў Цвяры. У 1926—1928 гадах на камсамольскай працы ў Цвяры. Затым займаў пасады сакратара Кімрскага ўездна-гарадскога камітэта ВКП(б), інструктара калгаснага сямёнаводчаскага цэнтра ў Маскве.

З 1931 г. на адказнай партыйнай і дзяржаўнай працы:

• 08.1931—01.1933 загадчык арганізацыйнага аддзела парткама ЦАГІ, Масква;
• 03.1934–06.1935 намеснік сакратара парткама завода № 39, Масква;
• 06.1935–01.1936 памочнік загадчыка аддзела партыйных кадраў Чырвонапрэсненскага райкама ВКП(б), Масква;
• 01.1936–08.1937 сакратар парткама завода «Цізпрыбор» ВОТІ, Масква;
• 08.1937–09.09.1937 2-ы сакратар Савецкага райкама ВКП(б), Масква;
• 13.09.1937–02.1938 2-ы сакратар Мінскага гаркама КП(б)Б;
• 02.1938–25.02.1941 першы сакратар Мінскага гаркама КП(б)Б ;
• 05.1938–04.03.1941 першы сакратар Мінскага абкама КП(б)Б.
• 26.02.1941–16.01.1942 наркам унутраных спраў БССР, пасля пачатку вайны выконваў заданні СНК СССР па арганізацыі выпуску ваеннай прадукцыі — Новасібірск, Кемерава;
• 16.01.1942–05.07.1944 першы сакратар Арлоўскага абкама і гаркама ВКП(б), з студзеня 1942 па кастрычнік 1943 г. член Ваеннага савета Бранскага фронту, з 30 мая 1942 па 1944 г. начальнік штаба Бранскага партызанскага руху;
• 05.07.1944–01.08.1946 першы сакратар Бранскага абкама і гаркама ВКП(б).

Памер 1 жніўня 1946 года, пахаваны ў Бранску.

Дэпутат Вярхоўнага Савета СССР 1-га склікання (абраны ў 1941 г. на дадатковых выбарах) і 2-га склікання (выбары 10.02.1946).

Узнагароды

• ордэн Леніна (07.03.1943);
• ордэн Працоўнага Чырвонага Сцяга (28.02.1939);
• ордэн Айчыннай вайны I ступені (01.02.1945);
• 3 медалі.