Аляксандр Аляксеевіч Галавачоў

Алякса́ндр Аляксе́евіч Галавачо́́ў (руск.: Александр Алексеевич Головачёв; 10 снежня 1909 — 6 сакавіка 1945) — гвардыі палкоўнік, удзельнік Савецка-фінляндскай і Вялікай Айчыннай войнаў, двойчы Герой Савецкага Саюза (1944, 1945).

Аляксандр Аляксеевіч Галавачоў
руск.: Александр Алексеевич Головачёв
Дата нараджэння	27 лістапада (10 снежня) 1909
Месца нараджэння	Любахна, Бранскі павет[d], Арлоўская губерня, Расійская імперыя
Дата смерці	6 сакавіка 1945(1945-03-06)[1] (35 гадоў)
Месца смерці	Сілезія, Польшча
Месца пахавання	Васылькіў
Грамадзянства	СССР
Прыналежнасць	СССР
Гады службы	1929—1945
Званне	палкоўнік
Бітвы/войны	савецка-фінляндская вайна Другая сусветная вайна
Узнагароды і званні
Аўтограф
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Галавачоў.

Біяграфія

А. А. Галавачоў нарадзіўся ў сяле Любахна Бранскага павета Арлоўскай губерні (зараз гарадскі пасёлак у Дзяцькаўскім раёне Бранскай вобласці Расіі). З 1929 года ў Чырвонай Арміі. У 1932 годзе скончыў Аб’яднаную ваенную школы імя УЦВК РСФСР. Удзельнік савецка-фінляндскай вайны 1939—1940 гг. З пачаткам Вялікай Айчыннай вайны А. А. Галавачоў на фронце — начальнік штаба, камандзір стралковага палка. Са жніўня 1942 года — камандзір 52-й мотастралковай брыгады (15-ы танкавы корпус, 3-я танкавая армія). Брыгада пад камандаваннем А. А. Галавачова вызначылася ў 1943 годзе ў ходзе Харкаўскай аперацыі Варонежскага фронту, удзельнічала ў баях пры фарсіраванні Дона, вызваленні Украіны, бітве за Дняпро. Асабліва брыгада вызначылася ў час Львоўска-Сандамірскай аперацыі, вызваліла горад Гарадок Львоўскай вобласці і горад Львоў, фарсіравала раку Вісла і захапіла плацдарм на яе левым беразе. У складзе 1-а Украінскага фронту брыгада А. А. Галавачова ўдзельнічала ў студзені — лютым 1945 г. у Сандамірска-Сілезскай і Ніжне-Сілезскай аперацыях, удзельнічала ў вызваленні шэрагу гарадоў на тэрыторыі Польшчы, фарсіраванні ракі Одэр.

Загінуў А. А. Галавачоў у Сілезіі, у раёне горада Глогаў (польск.: Głogów). Пахаваны ў горадзе Васылькіў (Украіна).

Узнагароды

• Медаль «Залатая Зорка» (1944)
• медаль «Залатая Зорка» (1945)
• ордэн Леніна
• 3 ордэны Чырвонага Сцяга
• 2 ордэны Суворава 2-й сткпені
• ордэн Чырвонай Зоркі
• медаль «За абарону Масквы»
• медалі

Памяць

• Імем А. А. Галавачова названа вуліцы ў Маскве, горадзе Буда-Кашалёва.
• У 1978 годзе Поштай СССР выпушчаны маркіраваны мастацкі канверт «Герой Советского Союза А. А. Головачев», прысвечаны Герою.

Зноскі

1. Головачёв Александр Алексеевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>