Аляксандр Яраслававіч Малчанаў

Алесь Малчанаў, поўнае імя Аляксандр Яраслававіч Малчанаў (нар. 26 кастрычніка 1974, Ліда, Гродзенская вобласць) — беларускі акцёр.

Аляксандр Яраслававіч Малчанаў
Дата нараджэння	26 кастрычніка 1974(1974-10-26) (50 гадоў)
Месца нараджэння	Ліда, Лідскі раён, Гродзенская вобласць, Беларуская ССР, СССР
Адукацыя	Беларуская акадэмія мастацтваў (1999)
Прафесія	тэатральны акцёр
Тэатр	Нацыянальны акадэмічны тэатр імя Янкі Купалы Ok16[d]
IMDb	ID 5534226

У Вікіпедыі ёсць артыкулы пра іншых людзей з прозвішчам Малчанаў.

Біяграфія

Скончыў Беларускі дзяржаўны тэатральна-мастацкі інстытут у 1999 годзе. У 1999—2018 гадах артыст Нацыянальнага акадэмічнага тэатра імя Янкі Купалы. У 2008 годзе заступіўся за Мікалая Пінігіна, прысутнасць якога ў тэатры была «не рэкамендавана» кіраўніцтву Купалаўскага тэатра Міністэрствам культуры, ад яго таксама хацела пазбавіцца само кіраўніцтва тэатра пасля таго, як ён у сэрцах пасварыўся з дырэктарам і мастацкім кіраўніком падчас банкета, прысвечанага здачы спектакля «Пінская шляхта». Аляксандр Малчанаў быў выкліканы да вядучага ідэолага адміністрацыі прэзідэнта Усевалада Янчэўскага, разам са Святланай Зелянкоўскай і Ганнай Хітрык, якія перайшлі на паўстаўкі, не бачачы перспектыў пры цяперашнім кіраўніцтве тэатра^[1].

Пасля працаваў у культурным хабе Ok16 да яго закрыцця рэжымам Лукашэнкі^[2].

У час пратэстаў 2020 года супраць фальсіфікацый прэзідэнцкіх выбараў 27 снежня Алесь Малчанаў выйшаў на мінскую кальцавую дарогу з бела-чырвона-белым сцягам і неўзабаве быў затрыманы. 28 снежня суд Фрунзенскага раёна Мінска асудзіў акцёра на 11 дзён адміністрацыйнага арышту паводле артыкулу 23.34 КоАП («парушэнне парадку арганізацыі і правядзення масавых мерапрыемстваў»)^[3].

Творчасць

Сярод лепшых роляў: Кароль Марка («Трыстан ды Ізольда» С. Кавалёва), Дзяметрый («Сон у чарадзейную ноч пасярэдзіне лета» У. Шэкспіра), Сіман («Брат мой, Сіман…» А. Казанцава), Буланаў («Лес^[ru]» А. Астроўскага), Чалавек («Барух-Эмануэль» Дз. Плакса), Джэфры («Дзіўная місіс Сэвідж» Дж. Патрыка^[ru]), Вільгельм («Князь Вітаўт» А. Дударава), Янка Здольнік («Тутэйшыя» Я. Купалы), Сымон («Сымон-музыка» Якуба Коласа).

Выканаў галоўную ролю ў кароткаметражным фільме «Ягор» па матывах кнігі «Радзіва Прудок» Андруся Горвата, які знялі акцёры Нацыянальнага акадэмічнага Тэатра Янкі Купалы^[4].

Фільмаграфія

• 2018 — Пастка/Галаваломка
• 2018 — Лёд, які не растае
• 2016 — Беззаганныя (рускі салдат)
• 2013 — Зводная сястра (міні-серыял) (Мікалай)
• 2012 — Жыве Беларусь! (Зампаліт)
• 2008 — Рыярыта (Лейтэнант Аліеў)
• 2008 — Пабочны эфект (Віктар Пугач, следчы)
• 2005 — Я цябе люблю (Дзіця Раі)
• 2004 — Яшчэ пра вайну
• 2004 — Цёмная ноч (Сябар Вовы)
• 2003 — Акупацыя. Містэрыі (Адам)
• 2002 — Нянудныя матэрыялы (серыял)
• 2001 — Эскіз на маніторы (Выдумшчык)
• 2001 — Паскораная дапамога 2 (серыял) (Касы)
• 2001 — У жніўні 44-га
• 2000 — Зорка Венера (Лёня)
• 1999 — Аматар

Выканаў галоўную ролю ў кароткаметражным фільме «Ягор» па матывах кнігі «Радзіва Прудок» Андруся Горвата, які знялі акцёры Нацыянальнага акадэмічнага Тэатра Янкі Купалы^[5].

Зноскі

1. Актеров Купаловского театра вызвали в Администрацию Лукашенко (нявызн.)(недаступная спасылка). Архівавана з першакрыніцы 23 кастрычніка 2021. Праверана 23 кастрычніка 2021.
2. Акцёры Алесь Малчанаў і Аляксандр Радзько: Гэта Лукашэнка ў турме (нявызн.)(недаступная спасылка). Архівавана з першакрыніцы 23 кастрычніка 2021. Праверана 23 кастрычніка 2021.
3. За пікет з нацыянальным сьцягам актора Малчанава асудзілі на 11 дзён арышту
4. Кіно як маленькі абсалют № 8 (1343) 24.02.2018 — 28.02.2018 г (нявызн.)(недаступная спасылка). Архівавана з першакрыніцы 23 кастрычніка 2021. Праверана 23 кастрычніка 2021.
5. Кіно як маленькі абсалют № 8 (1343) 24.02.2018 — 28.02.2018 г (нявызн.)(недаступная спасылка). Архівавана з першакрыніцы 23 кастрычніка 2021. Праверана 23 кастрычніка 2021.