Аляксей Віктаравіч Дабравольскі

У Вікіпедыі ёсць артыкулы пра іншых людзей з прозвішчам Дабравольскі.

Аляксе́й Ві́ктаравіч Дабраво́льскі (нар. 15 красавіка 1985, Ліда) — беларускі футбаліст (паўабаронца) і трэнер. У цяперашні час працуе галоўным трэнерам клуба «Ліда».

Аляксей Дабравольскі
Поўнае імя	Аляксей Віктаравіч Дабравольскі
Нарадзіўся	15 красавіка 1985(1985-04-15)[1] (40 гадоў) Ліда, Лідскі раён, Гродзенская вобласць, Беларуская ССР, СССР
Грамадзянства	Беларусь
Рост	189 см[1]
Вага	80 кг[1]
Пазіцыя	паўабаронца
Інфармацыя пра клуб
Клуб	Ліда
Пасада	галоўны трэнер
Клубная кар’ера[* 1]
2001 Дынама-2 (Мінск) 12 (2) 2002—2006 Дынама (Мінск) 33 (1) 2005 →  Дарыда (Мінскі раён) 7 (0) 2006 →  Металург (Краснаярск) 17 (1) 2007—2009 Мінск 13 (1) 2008 →  Смаргонь 6 (0) 2009 →  Ліда 24 (0) 2010—2021 Ліда 269 (44)
Нацыянальная зборная[* 2]
2001 Беларусь (да 17) 1 (1) 2003—2004 Беларусь (да 19) 6 (1) 2004—2006 Беларусь (да 21) 10 (2)
Трэнерская кар’ера
2021—2022 Ліда трэнер 2022 Ліда в. а. 2023— Ліда
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 красавіка 2023. Колькасць гульняў і галоў за нацыянальную зборную ў афіцыйных матчах

Клубная кар’ера

З 17 гадоў стаў гуляць за мінскае «Дынама». У 2005 годзе з-за недахопу гульнявой практыкі быў аддадзены ў арэнду «Дарыдзе». У сакавіку 2006 года быў аддадзены ў арэнду ў расійскі клуб «Металург» (Краснаярск), пасля вяртання ў ліпені правёў толькі адну сустрэчу ў складзе сталічнага «Дынама».

У 2007 годзе перайшоў у клуб «Мінск», аднак не змог зайграць у аснове. У 2008 годзе быў аддадзены ў арэнду ў «Смаргонь», якая выступала ў Вышэйшай лізе. У складзе каманды Аляксей правёў 6 сустрэч.

У 2009 годзе зноў быў аддадзены ў арэнду ў родны клуб «Ліда». А з 2010 года далучыўся да клуба на рэгулярнай аснове. У сезонах 2011 і 2012 быў прызнаны найлепшым іграком каманды. Пазней стаў таксама капітанам каманды.

У сезоне 2021 быў гуляючым трэнерам, а па яго заканчэнні канчаткова завяршыў кар’еру і перайшоў на трэнерскую працу^[2]. У ліпені 2022 года пасля адстаўкі Віталя Рашкевіча стаў выканаўцам абавязкаў галоўнага трэнера каманды^[3]. У сезоне 2023 застаўся на чале каманды ўжо паўнавартасным галоўным трэнерам.

Міжнародная кар’ера

У 2002—2006 гадах гуляў за розныя юнацкія і моладзевую зборныя Беларусі.

Дасягненні

• 01 Чэмпіён Беларусі: 2004
• 02 Срэбраны прызёр чэмпіянату Беларусі (2): 2005, 2006
• 03 Бронзавы прызёр чэмпіянату Беларусі: 2003
• Уладальнік Кубка Беларусі: 2003
• Пераможца Першай лігі чэмпіянату Беларусі: 2008
• Пераможца Другой лігі чэмпіянату Беларусі: 2011