Аляксей Васільевіч Гурло

Аляксей Васільевіч Гурло (1894, Капыль — 1960) — дырэктар Беларускага дзяржаўнага інстытута народнай гаспадаркі (БДІНГ) у 1933—1935.

Аляксей Васільевіч Гурло
Нараджэнне	1894 Капыль, Слуцкі павет, Мінская губерня, Расійская імперыя
Смерць	1960
Адукацыя	рабочы факультэт БДУ БДУ
Узнагароды

У Вікіпедыі ёсць артыкулы пра іншых людзей з прозвішчам Гурло.

Біяграфія

З сялян. Ад 1913 працаваў паштальёнам. У 1922 паступіў на рабфак пры БДУ, а пасля яго сканчэння — у БДУ, які скончыў у 1929. Пасля сканчэння ўніверсітэту быў прызначаны дэканам рабфака і адначасова вучыўся на завочным аддзяленні аспірантуры Акадэміі навук. Напачатку 1933 быў прызначаны першым дырэктарам створанага Інстытуту народнай гаспадаркі пры Дзяржплане БССР.

Увосень 1935 выключаны з ВКП(б), членам якой з’яўляўся з 1919. 13 лістапада 1935 быў арыштаваны і 14 мая 1936 адмысловай нарадай пры НКУС СССР асуджаны за махлярства на тры гады пазбаўлення волі. Пакаранне адбыў у Комі ССР. Вызвалены з месцаў зняволення ў студзені 1939.

У 1939—1941 працаваў у Магілёўскай абласной планавай камісіі.

У 1941 быў мабілізаваны ў шэрагі Чырвонай Арміі, дзе праходзіў службу да верасня 1945.

Пасля дэмабілізацыі працаваў памочнікам старшыні Магілёўскага аблвыканкама, з 1947 — начальнікам аддзела Магілёўскага аблспажыўсаюзу. 23 лістапада 1956 судовай калегіяй Вярхоўнага Суда БССР пастанова адмысловай нарады пры НКУС СССР ад 14 мая 1936 адносна Гурло было адменена і справа спынена за адсутнасцю ў яго дзеяннях складу злачынства.

Узнагароды

• Медаль «За баявыя заслугі»
• Медаль «За абарону Масквы»
• Медаль «За вызваленне Варшавы»
• Медаль «За ўзяцце Берліна»
• Медаль «За перамогу над Германіяй у Вялікай Айчыннай вайне 1941—1945 гг.»

Спасылкі

• Інфармацыя на сайце БДЭУ